ကန်ပက်လက်မြို့နယ်က စစ်ကောင်စီ ယန္တရားထောက်တိုင်များ နှုတ်မထွက်ပါက ရှင်းလင်းသွားမည်ဟု CDF-Kanpetlet မှသတိပေးထုတ်ပြန်
ဧရာဝတီတိုင်းမ်
(ကန်ပလက်) စက်တင်ဘာလ ၂၉ ရက်
ချင်းပြည်နယ်၊ကန်ပလက်အတွင်း စစ်ကောင်စီယန္တရားလည်ပတ်ရေးအတွက် တာဝန်ထမ်းဆောင်သူများအနေဖြင့် အောက်တိုဘာလ ၁၅ရက် နောက်ဆုံံးထားပြီးနှုတ်ထွက်ကြရန်နှင့် နှုတ်မထွက်ဘဲဆက်လက်လုပ်ဆောင်ပါက ပြည်သူ့သစ္စာဖောက်အဖြစ်သတ်မှတ်ပြီး တွေ့ရာရှင်းလင်းအရေးယူသွားမည်ဖြစ်ကြောင်း ယနေ့စက်တင်ဘာလ ၂၉ ရက်စွဲဖြင့်
သတိပေးထုတ်ပြန်ထားသည်။
၂၀၂၁ ခုနှစ် ဖေဖော်ဝါရီလ (၁) ရက်နေ့တွင် စစ်ကောင်စီမှအာဏာသိမ်းပြီးချိန်မှ ကန်ပလက်မြို့နယ်အတွင်းရှိ ပြည်သူများသည် အမျိုးမျိုးဆန္ဒပြခဲ့ကြပြီး နောက်ဆုံးတ္ငင် စစ်ကောင်စီမှလက်နက်ကိုင်လှုပ်ရှားလာသည့်အတွက် ကန်ပလက်ပြည်သူလူထုအနေဖြင့်လည်း မလွဲမရှောင်သာလက်နက်ကိုင် CDF-Kanpetlet တပ်ဖွဲ့ကိုဖွဲ့စည်းခဲ့ပြီး စစ်ကောင်စီတပ်ကို
လက်နက်ကိုင်တော်လှန်နေဆဲဖြစ်ကြောင်း ထုတ်ပြန်ချက်တွင် ဖော်ပြပါရှိသည်။
စစ်ကောင်စီတပ်ဖွဲ့မှ ကန်ပလက်မြို့နယ်အတွင်း အုပ်ချူပ်ရေးယန္ဒရားလည်ပတ်ရေးနှင့် အာဏာတည်တန့်ရေးအတွက် လုပ်ငန်းအမျိုးမျိုးဆောင်ရွက်စေရန် တာဝန်ခံ (၅၃)ဦးကို ဆောင်ရွက်စေပြီး လိုအပ်လျှင် လက်နက်တပ်ဆင်နိုင်ရန်အထိ ညွှန်ကြားထားခဲ့ပြီဖြစ်သည်ဟု အတိအကျသိထားကြောင်း ထုတ်ပြန်ချက်အရ သိရသည်။
သို့ဖြစ်ပါ၍ CDF-Kanpetletအနေဖြင့် မတရားဖမ်းဆီးခံခြင်း၊ သတ်ဖြတ်ခံ၊ အပြစ်မဲ့ပြည်သူများနှင့် တာဝန်ထမ်းဆောင်ရင်း ကျဆုံးရဲဘော်များအတွက် ခွင့်လွတ်ခြင်းမရှိဘဲ လိုလျှင်လိုအပ်သလို အရေးယူဆောင်ရွက်သွားမည်ဖြစ်ကြောင်း ထုတ်ပြန်ချက်တွင် ရေးသားဖော်ပြထားသည်။
#ကန်ပက်လက် #CDFKanpetlet #စစ်ကောင်စီ #ယန္တရား #နှုတ်ထွက် #ရှင်းလင်း
#Ayeyarwaddy_Times
