ဖလမ်းရှိ စစ်ကောင်စီတပ်စခန်းကို CNDF ဝင်ရောက်တိုက်ခိုက်သဖြင့် စစ်ကောင်စီတပ်သား ၁ ဦးသေဆုံး

ဖလမ်းရှိ စစ်ကောင်စီတပ်စခန်းကို CNDF ဝင်ရောက်တိုက်ခိုက်သဖြင့် စစ်ကောင်စီတပ်သား ၁ ဦးသေဆုံး

ဧရာဝတီတိုင်းမ်

(ဖလမ်း) စက်တင်ဘာလ ၂၇ ရက်

ချင်းပြည်နယ်၊ ဖလမ်းမြို့နယ် သူဖေရွာအတွင်း စစ်ကြောင်းထိုးလာသည့် စစ်ကောင်စီတပ်များကို ချင်းအမျိုးသားပြည်သူ့ကာကွယ်ရေးတပ်ဖွဲ့ CNDF မှ စက်တင်ဘာလ ၂၅ ရက် နေ့ ညနေ ၅နာရီဝန်းကျင်တွင် ဝင်ရောက်တိုက်ခိုက်ပြီး စစ်ကောင်စီတပ်သား ၁ ဉီးသေဆုံးခဲ့ကြောင်း CNDF တပ်ဖွဲ့ထံကသိရသည်။

အဆိုပါ စစ်ကောင်စီတပ်သားများသည် ဖလမ်းမြို့နယ် သူဖေကျေးရွာအနီးတွင် စခန်းချထားပြီး သူဖေကျေရွာအတွင် စစ်​ကောင်စီတပ်တွေ ကင်းလှည့်လာစဥ် ချင်းအမျိုးသားပြည်သူ့ကာကွယ်ရေး CNDF မှ အလစ်ငိုက်ဝင် ရောက်တိုက်ခိုက်ခြင်းဖြစ်တယ်လို့ CNDF တပ်ဖွဲ့ဝင်များကပြောသည်။

“စစ်ကောင်စီဘက်က အင်အား ၂၀ ဝန်းကျင်လောက်ရှိပြီး ဒီတစ်ခါကတော့ ပူးပေါင်းတပ်ဖွဲ့နဲ့ မဟုတ်ဘဲ CNDF တပ်ဖွဲ့ကဘဲတိုက်တာပါ။ တိုက်ခိုက်ချိန်က ၂နာရီနီးပါးကြာတယ်။ လက်နက်ကြီးတော့ မသုံးပါဘူး”ဟု ချင်းအမျိုးသာပြည်သူ့ကာကွယ်ရေးတပ်ဖွဲ့ CNO သတင်းပြန်ကြားရေးမှူးက ဧရာဝတီတိုင်းမ်ကိုပြောသည်။

အဆိုပါတိုက်ပွဲသည် ၂ နာရီ နီးပါးကြာမြင့်ခဲ့ပြီး စစ်ကောင်စီတပ်ဘက်က ၁ ဦးထိခိုက်သေဆုံးကာ ချင်း ပြည်သူ့ကာကွယ်ရေးတပ်ဖွဲ့ဘက်မှ အထိအခိုက်မရှိဘဲ ပြန်လည်ဆုတ်ခွာနိုင်ခဲ့တယ် လို့

CNDF တပ်ဖွဲ့ဝင်များထံကသိရသည်။

#Ayeyarwaddy_Times