ဧရာဝတီတိုင်းမ်
ဇွန် ၂၂ ရက်
အီရန်အနေနဲ့ လက်ဘနွန်က ဟစ်ဇ်ဘိုလာတွေရဲ့ အကြမ်းဖက်မှုကို မတားရင် အမေရိကန်က ပြန် တိုက်မယ်လို့ သမ္မတ ဒေါ်နယ်ထရမ့်က တနင်္ဂနွေနေ့မှာ သတိပေးလိုက်ပါတယ်။
ဒါဟာ ပြီးခဲ့တဲ့အပတ်က ရထားတဲ့ ယာယီစစ်ပြေငြိမ်းရေးကို အကောင်အထည်ဖော်ဖို့ ဒုသမ္မတ ဂျေဒီဗန့်စ်က အီရန်အရာရှိတွေနဲ့ ညှိနှိုင်းနေချိန်မှာ ထွက်ပေါ်လာတာပါ။
“အီရန်ဟာ လက်ဘနွန်မှာ သူတို့ ငွေပေးခိုင်းထားတဲ့ လက်ဝေခံတွေ ပြဿနာရှာနေတာကို ချက် ချင်းရပ်ရပါမယ်။ မရပ်ရင် ပြီးခဲ့တဲ့အပတ်ကထက် ပိုပြင်းထန်တဲ့ ဒဏ်မျိုးနဲ့ အီရန်ကို ငါတို့ အပြင်းအထန် ထပ်တိုက်မှာပါ” လို့ ဒေါ်နယ်ထရမ့်က Truth Social မှာ ရေးသားခဲ့ပါတယ်။
ဒုသမ္မတ ဗန့်စ်ဟာ ဆွစ်ဇာလန်က အပန်းဖြေစခန်းတစ်ခုမှာ အီရန်လွှတ်တော်ဥက္ကဋ္ဌ၊ နိုင်ငံခြားရေး ဝန်ကြီးတို့နဲ့ တွေ့ဆုံနေပြီး ပါကစ္စတန်နဲ့ ကာတာတို့ကလည်း ကြားဝင်စေ့စပ်သူအဖြစ် ဒီတိုက်ရိုက်ဆွေး နွေးပွဲမှာ ပါဝင်နေပါတယ်။
“အခု နည်းပညာပိုင်း ဆွေးနွေးမှုတွေက သဘောထားကွဲလွဲမှုအားလုံးကို မဖြေရှင်းနိုင်ရင်တောင် သမိုင်းမှာ ပထမဆုံးအကြိမ် နှစ်ဖက်အဖွဲ့တွေ တစ်စားပွဲတည်း အတူထိုင်ခွင့်ရတာပါ” လို့ ၎င်းက ပြောပါ တယ်။
ဆွေးနွေးပွဲမစခင် ဗန့်စ် သတင်းထောက်တွေရှေ့ ထွက်လာချိန်မှာ အီရန်အရာရှိတွေက လူလုံးမ ပြဘဲ ရှောင်နေခဲ့ပြီ ဗန့်စ် မီဒီယာတွေကို ပြောကြားပြီးနောက်မှာပဲ လေးနိုင်ငံဆွေးနွေးပွဲ စတင်ကြောင်း အီရန်နိုင်ငံပိုင်ရုပ်သံက ကြေညာပါတယ်။
အမေရိကန်ဘက်ကတော့ အီရန်ကို သူတို့ရဲ့ နျူကလီးယားအစီအစဉ်နဲ့ ပတ်သက်ပြီး ဆွေးနွေးပွဲ ထဲမှာ အသေအချာ ပိတ်မိနေစေဖို့ ရည်ရွယ်နေတာပါ။
အစ္စရေးနဲ့ ဟစ်ဇ်ဘိုလာကြား လက်ဘနွန်မှာ ဖြစ်နေတဲ့ စစ်ပွဲဟာ အီရန်ရဲ့ နျူကလီးယားကိစ္စမှာ အမေရိကန်က အလျှော့အတင်းလုပ်ဖို့ ကြိုးပမ်းချက်တွေနဲ့ ဟော်မုဇ်ရေလက်ကြား ဖွင့်လှစ်ထားနိုင်ရေးကို ဆက်ပြီး ခြိမ်းခြောက်နေပါတယ်။
တနင်္ဂနွေနေ့ ဆွေးနွေးပွဲမှာ အီရန်ရဲ့ အဓိကအာရုံစိုက်မယ့်အချက်က လက်ရှိဖြစ်နေတဲ့ အစ္စရေးနဲ့ လက်ဘနွန်ကြားက စစ်ပွဲကိစ္စပဲ ဖြစ်မယ်လို့ ဗန့်စ်နဲ့မတွေ့ခင် အီရန်နိုင်ငံခြားရေးဝန်ကြီးဌာန ပြောခွင့်ရသူ က ပြောခဲ့ပါတယ်။
ကိုးကား – Telegraph India
Ref; Trump says will hit Iran harder, Vance said first time in history Tehran, Washington a ‘team’
