ဧရာဝတီတိုင်းမ်
ဧပြီ ၁၄ ရက်
ရန်ကုန်တိုင်း ဒဂုံမြို့သစ်(မြောက်ပိုင်း) တောင်/မြောက်လမ်းဆုံအနီးတွင် ရေပက်ခံကားတစ်စီး ဘီးကျွတ်ကာ တိမ်းမှောက်ခဲ့သဖြင့် ခုနှစ်ဦးထိခိုက်ဒဏ်ရာရခဲ့ကြောင်း သိရသည်။
ဧပြီ ၁၄ ရက်၊ နံနက် ကိုးနာရီကျော်ခန့်က တောင်မြောက်လမ်းဆုံအနီးတွင် ကားတစ်စီး ဘီးကျွတ်ပြီး တိမ်းမှောက်ခဲ့ရာ ဒဏ်ရာရသူများထဲတွင် ကိုယ်ဝန်ဆောင်တစ်ဦးပါဝင်ကြောင်း မြို့နယ်လူမှုကူညီရေးအဖွဲ့ထံမှ သိရသည်။
“ရေပက်ခံကားက ဘီးကျွတ်ပြီး လမ်းလယ်ဘလောက်တုံးနဲ့ တိုက်မိပြီး မှောက်သွားတာ။ ကားပေါ်ပါလူတွေက ဒဏ်ရာရတယ်။ ကိုယ်ဝန်ဆောင်သည်လည်းပါတယ်”ဟု တောင်ဒဂုံမြို့နယ်နေ အမျိုးသမီးတစ်ဦးက ပြောသည်။
အဆိုပါ ယာဉ်ပေါ်တွင် ၁၃ ဦးလိုက်ပါလာပြီးဒဏ်ရာရရှိသူများကို မေဓာဝီဆေးရုံသို့ ပို့ဆောင်ပေးခဲ့ကြောင်း သိရသည်။
ဓာတ်ပုံ – မြို့ဦးလုလင်နာရေးကူညီမှုအသင်း
