ဧရာဝတီတိုင်းမ်
မတ် ၂၇ ရက်
၈၁ နှစ်မြောက် တပ်မတော်နေ့အခမ်းအနားပြုလုပ်ပြီးနောက်ပိုင်းတွင် စစ်တပ်အတွင်း ခေါင်းဆောင်ပိုင်း အပြောင်းအလဲဖြစ်ပေါ်လာပြီး စစ်တပ်လမ်းစဉ်အတိုင်း ဆက်လက်လျှောက်လမ်းသွားမည်ဟု ဒုဗိုလ်ချုပ်ကြီးစိုးဝင်းက ပြောဆိုခဲ့ကြောင်း သိရသည်။
နေပြည်တော် ဘုရင့်နောင်ရိပ်သာတွင် ယနေ့ မတ် ၂၆ ရက်နေ့တွင် ပြုလုပ်ခဲ့သည့် စစ်တပ်အငြိမ်းစားအရာရှိများကို စစ်တပ်မိသားစုများမှ သွားရောက်ကန်တော့သည့် အခမ်းအနားတွင် ဒုစစ်ခေါင်းဆောင်က ပြောဆိုခဲ့ခြင်းဖြစ်သည်။
တပ်မတော်နေ့ အခမ်းအနားပြီးဆုံးသည့်နောက်ပိုင်းတွင် ခေါင်းဆောင်ပိုင်း အပြောင်းအလဲများ ဖြစ်ပေါ် လာမည်ဖြစ်ပြီး မည်သူဦးဆောင်သည်ဖြစ်စေ တပ်မတော်အနေနှင့်တပ်မတော်၏ခေါင်းဆောင်အစဉ်အဆက် သင်ဆရာ၊ မြင်ဆရာ၊ ကြားဆရာများ၏ လမ်းညွှန်ချက်များအတိုင်း စစ်ပညာရပ်အတိုင်း ချမှတ်ထားသည့် မူဝါဒလမ်းစဉ်များအတိုင်း ဆက်လက်လျှောက်လှမ်းကြရမှာ ဖြစ်သည်ဟု ဒုဗိုလ်ချုပ်မှူးကြီးစိုးဝင်းက ပြောသည်။
ထို့အပြင် အဓိကတာဝန်ဖြစ်သည့် နိုင်ငံတော်ကာကွယ်ရေးတာဝန်ကို ဆက်လက်ပြီး တာဝန်ကျေပွန်စွာ ထမ်းဆောင်သွားမည်ဖြစ်ပြီး နိုင်ငံတော်အစိုးရ ၏ မူဝါဒနှင့်အညီ လက်တွဲညီညီ ဆက်လက်ဆောင် ရွက်သွားမည်ဟု ပြောဆိုခဲ့သည်။
ခေတ်အဆက်ဆက် စစ်တပ်မှခေါင်းဆောင်အဆင့်ဆင့် လက်ဆင့်ကမ်း သွန်သင်ဆုံးမမှုများကြောင့် နိုင်ငံကို ဦးဆောင်နိုင်ခဲ့ခြင်းဖြစ်ပြီး ဆက်လက်ပြီး ကောင်းမွန်သည့် လမ်းညွှန်ဆုံးမမှုများ ပြုလုပ်ပေးကြရန် တပ်မိသားစုဝင်များကိုယ်စား တောင်းဆိုခဲ့သည်။
