ဧရာဝတီတိုင်းမ်
ဖေဖော်ဝါရီ ၂၆ ရက်
ဧရာဝတီတိုင်း၊ အင်္ဂပူမြို့နယ်၊ ထူးကြီးမြို့အတွင်း အရက္ခတပ်တော် AA၊ PDF ပူးပေါင်းတပ်တို့ ဝင်လာမည် စိုးရိမ်၍ စစ်ကော်မရှင်က ပရိတ်ပဋ္ဌာန်းများရွတ်ဖတ်ပူဇော်နေကြောင်း ဒေသခံများထံက သတင်းရရှိသည်။
ထူးကြီးမြို့အတွင်းရှိ စစ်ကော်မရှင်တပ်အထိုင်ချ စခန်းချရာနေရာတွင် စစ်တပ်ထောက်ခံသူများမှ ဦးဆောင်ကာ သံဃာတော်များပင့်ဆောင်ပြီး ပရိတ်ပဋ္ဌာန်းများရွတ်ဖတ်ပူဇော်ခြင်းဖြစ်သည်။
“ပုံမှန်က သင်္ကြန်ကျမှရွတ်ဖတ်ကြတာ၊ ခုက အစောကြီးထရွတ်တယ်။ သူတို့ စိုးရိမ်နေကြတာ၊ ပီးတော့ ညနေစောင်းဘက်ဆိုရင် ရပ်ကွက် ငါးခုရှိ လမ်းတွေတိုင်းမှာ ရွတ်ဖတ်ကြတယ်။ တပ်ထောက်ခံသူတွေ ဦးဆောင်ပီးလုပ်တာ”ဟု ထူးကြီးမြို့ခံတစ်ဦးက ဧရာဝတီတိုင်းမ်ကိုပြောသည်
လက်ရှိ ထူးကြီးမြို့ ခန်းမအတွင်းရှိ စစ်ကော်မရှင်တပ်များက စစ်တပ်ထောက်ခံသူများနှင့် ညဦးပိုင်းများတွင် ကင်းပတ်ပြီး မသင်္ကာသည့် ဒေသခံအချို့ကို ဖမ်းဆီးစစ်ဆေးလေ့ရှိသည်ဟု ဒေသခံများကပြောသည်။
ဧရာဝတီတိုင်း၊ ရေကြည်မြို့နယ်၊ ဂွ- ငသိုင်းချောင်းလမ်း၊ မြောက်စမ်းရွာရှိ အမြောက်တပ် (အမတ) ၃၄၄ အနီး စစ်ကော်မရှင်နှင့် AA၊ PDF ပူးပေါင်းတပ်ဖွဲ့တို့အကြား တိုက်ပွဲများဖြစ်ပွါးနေသည်။
ဓာတ်ပုံ-စစ်ကော်မရှင်တပ်စခန်းချသည့်ခန်းမ
