ဧရာဝတီတိုင်းမ်
ဖေဖော်ဝါရီ ၁၄ ရက်
အထွေထွေရွေးကောက်ပွဲ ကျင်းပပြီးနောက် ထိုင်းနိုင်ငံရှိ အဓိက နိုင်ငံရေးပါတီတွေဟာ အစိုးရ တစ်ရပ်ဖွဲ့ဖို့ သဘောတူလိုက်ပါတယ်။
ညွန့်ပေါင်းအစိုးရအဖွဲ့မှာ ဖုထိုင်းပါတီကို လက်ခံဖို့ လက်ခံလိုက်ပြီလို့ အာဏာရ ဘွန်ဂျိုင်ထိုင်း ပါတီက ပြောပါတယ်။
ရှေးရိုးစွဲ ဘွန်ဂျိုင်ထိုင်းပါတီကို ဉီးဆောင်တဲ့ ဝန်ကြီးချုပ် အနူတင်ချန်ဗီရာကူလ်ဟာ သောကြာနေ့ နေ့လည်ပိုင်းက ဖုထိုင်းပါတီမှ တာဝန်ရှိသူတွေနဲ့ တွေ့ဆုံခဲ့ပါတယ်။
နိုင်ငံရေးပါတီတွေဟာ ထိုင်းနိုင်ငံကို ပိုမိုတောင့်တင်းသော၊ တည်ငြိမ်သော၊ တာရှည်ခံသော အနာ ဂတ်တစ်ရပ် ဖန်တီးနိုင်တယ်လို့ အနူတင်က သတင်းစာရှင်းလင်းပွဲမှာ ပြောပါတယ်။
ဘွန်ဂျိုင်ထိုင်းပါတီဟာ တနင်္ဂနွေနေ့ အထွေထွေရွေးကောက်ပွဲမှာ သောင်ပြိုကမ်းပြို အနိုင်ရရှိခဲ့ ပြီး အမတ်နေရာ ၅၀၀ ရှိတဲ့ အောက်လွှတ်တော်မှာ အမတ်နေရာ ၁၉၃ နေရာ အနိုင်ရရှိခဲ့ပါတယ်။
အကျဉ်းချခံထားရတဲ့ ဝန်ကြီးချုပ်ဟောင်း သက်ဆင်ရှင်နာဝပ်နဲ့ ပတ်သက်တဲ့ ဖုထိုင်းပါတီဟာ အ မတ်နေရာ ၇၄ နေရာ အနိုင်ရရှိပြီး အမတ်ဉီးရေ တတိယအများဆုံး ဖြစ်ပါတယ်။
ထိုင်းနိုင်ငံရေးပါတီတွေဟာ ယခင်အစိုးရလက်ထက်မှာ လက်တွဲခဲ့ပေမယ့် ကမ္ဘောဒီးယားနိုင်ငံနဲ့ နယ်စပ်ပဋိပက္ခ ကိုင်တွယ်မှုနဲ့ပတ်သက်လို့ ကွဲပြဲသွားခဲ့ပါတယ်။
ကိုးကား – NHK
Ref; Major parties in Thailand agree to form coalition
