ဧရာဝတီတိုင်းမ်
နိုဝင်ဘာ ၃၀ ရက်
မြန်မာနိုင်ငံမှာ ဒီဇင်ဘာလနှောင်းပိုင်းမှာပြုလုပ်မယ့် ရွေးကောက်ပွဲဟာ အကြောက်တရား၊ အ ကြမ်းဖက်မှုနဲ့ နိုင်ငံရေးဖိနှိပ်မှုရှိနေပြီး လူထောင်ချီ ထိန်းသိမ်းခံနေရဆဲဖြစ်ကာ အဓိက နိုင်ငံရေးပါတီ တွေ ရွေးကောက်ပွဲယှဉ်ပြိုင်ခွင့် ပိတ်ပင်ခံထားရတယ်လို့ ကုလသမဂ္ဂ လူ့အခွင့်အရေးဆိုင်ရာ တာဝန်ရှိ သူတွေက ပြောပါတယ်။
စစ်တပ်ထိန်းချုပ် ရွေးကောက်ပွဲကို အကြောက်တရား၊ ခြိမ်းခြောက်မှုနဲ့ အကြမ်းဖက်မှုတွေနဲ့ ပြု လုပ်ကာ နိုင်ငံရေးပါဝင်ခွင့်ကို ဖိနှိပ်ထားတယ်လို့ ကုလသမဂ္ဂ လူ့အခွင့်အရေးရုံးမှ ပြောရေးဆိုခွင့်ရှိသူ ဂျ ရီမီးလော့ရင့်က ပြောပါတယ်။
အဓိက နိုင်ငံရေးပါတီတွေ ရွေးကောက်ပွဲမှာ ယှဉ်ပြိုင်ခွင့် ပိတ်ပင်ခံထားရပြီး ဒီမိုကရေစီနည်းကျ ရွေးကောက်ခံ အစိုးရအဖွဲ့ဝင်တွေနဲ့ နိုင်ငံရေးကိုယ်စားလှယ်တွေ အပါအဝင် နိုင်ငံရေးအတိုက်အခံ ၃၀၀၀၀ ကျော်ဟာ အာဏာသိမ်းမှုနောက်ပိုင်း ထိန်းသိမ်းခံထားရတယ်လို့ ၎င်းက ဆိုပါတယ်။
မြန်မာစစ်တပ်က စစ်ဘေးရှောင်တွေကို မဲထည့်ဖို့ နေထိုင်ရာရွာများသို့ပြန်ဖို့ အမိန့်ပေးခဲ့တယ်ဆို တဲ့ သတင်းတွေကို ကုလသမဂ္ဂက စုံစမ်းစစ်ဆေးနေတယ်လို့ သူက ဆက်ပြောပါတယ်။
နိုင်ငံတော်အကြည်ညိုပျက်မှုနဲ့ စွဲချက်တင်ခံထားရတဲ့ အတိုက်အခံနိုင်ငံရေးသမား ၄၀၀၀ ကျော် ကို မြန်မာစစ်ကော်မရှင်က လွတ်ငြိမ်းချမ်းသာခွင့်ပြုခဲ့တယ်လို့ လောရင့်က ပြောပါတယ်။
မြန်မာနိုင်ငံမှာပြုလုပ်မယ့် ရွေးကောက်ပွဲလုပ်ငန်းစဉ်ဟာ မလုံခြုံမှုနဲ့ အကြောက်တရားကို အ မြစ်တွယ်စေမှာဖြစ်ပြီး အကြမ်းဖက်မှုတွေ အဆုံးသတ်ရေးနဲ့ လူသားချင်းစာနာမှု အကူအညီ စီးဆင်း ရေးဟာ ထိပ်တန်းဉီးစားပေး ဖြစ်ရမယ်လို့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး ဗော်လ် ကာတပ်ခ်က ပြောပါတယ်။
ကိုးကား – Peninsula
Ref; UN warns Myanmar’s planned elections will deepen repression, instability
