ဧရာဝတီတိုင်းမ်
နိုဝင်ဘာ ၃၀ ရက်
အမျိုးသားအစောင့်တပ်ဖွဲ့ဝင်နှစ်ဉီး ပစ်ခတ်ခံရမှုကြောင့် တစ်ဉီးသေဆုံးပြီးနောက် အမေရိကန်အ စိုးရဟာ တတိယတိုင်းပြည်မှ ရွှေ့ပြောင်းအခြေချမှုကို ရပ်ဆိုင်းတော့မယ်လို့ အမေရိကန်သမ္မတ ဒေါ်နယ် ထရမ့်က ပြောပါတယ်။
စုံစမ်းစစ်ဆေးရေး အာဏာပိုင်တွေဟာ အိမ်ဖြူတော်အနီး ဗုဒ္ဓဟူးနေ့ ပစ်ခတ်မှုဖြစ်စဉ်မှာ သံသယ ရှိသူ အသက် ၂၉ နှစ်အရွယ် အာဖဂန်နစ္စတန်အမျိုးသားတစ်ဉီးကို ဖမ်းဆီးခဲ့ပါတယ်။
သံသယရှိသူဟာ အာဖဂန်နစ္စတန်နိုင်ငံမှာ အမေရိကန်စစ်တပ်အား ကူညီခဲ့သူတွေကို လက်ခံတဲ့ အစီအစဉ်အရ အမေရိကန်နိုင်ငံကို ဝင်ရောက်ခဲ့တာလို့ အာဏာပိုင်တွေက ပြောပါတယ်။
ပစ်ခတ်မှုဖြစ်စဉ်အပြီးမှာ အမေရိကန်အစိုးရက အာဖဂန်နစ္စတန်နိုင်ငံသားတွေအတွက် လူဝင်မှု ကြီးကြပ်ရေး လုပ်ငန်းစဉ်ကို ရပ်ဆိုင်းခဲ့ပါတယ်။
အမေရိကန်နိုင်ငံရဲ့ လူဝင်မှုကြီးကြပ်ရေးမူဝါဒဟာ ပြည်သူများစွာအတွက် နေထိုင်မှုအခြေအနေ ကို ဆုတ်ယုတ်လျော့ပါးစေခဲ့တယ်လို့ သမ္မတ ဒေါ်နယ်ထရမ့်က ကြာသပတေးနေ့မှာ လူမှုကွန်ရက်မှာ ရေး သားခဲ့ပါတယ်။
အမေရိကန်နိုင်ငံရဲ့ လူဝင်မှုကြီးကြပ်ရေးစနစ် ပြန်လည်ကောင်းမွန်ဖို့ တတိယတိုင်းပြည်များမှ ရွှေ့ပြောင်းအခြေချမှုကို အမြတမ်း ရပ်ဆိုင်းမယ်လို့ ၎င်းက ပြောပါတယ်။
ပြည်တွင်း တည်ငြိမ်မှုကို ထိခိုက်စေတဲ့ ရွှေ့ပြောင်းအခြေချတွေကို နိုင်ငံသားဖြစ်ခွင့်ဖျက်သိမ်းကာ လုံခြုံရေး အန္တရာယ်ရှိတဲ့ ဘယ်နိုင်ငံခြားသားကိုမဆို ပြည်နှင်ဒဏ်ပေးမယ်လို့ သူက ဆိုပါတယ်။
နိုင်ငံသားမဟုတ်သူတွေအတွက် ဖက်ဒရယ် အကျိုးခံစားခွင့်တွေနဲ့ ထောက်ပံ့မှုတွေအားလုံး ရပ် ဆိုင်းမယ်လို့လည်း ဒေါ်နယ်ထရမ့်က ကြေညာခဲ့ပါတယ်။
ကိုးကား – NHK
Ref; Trump says US will permanently pause migration from ‘Third World’ countries
