ဧရာဝတီတိုင်းမ်
နိုဝင်ဘာ ၃၀ ရက်
စစ်ကော်မရှင်ပေးသောလွတ်ငြိမ်းချမ်းသာခွင့်တွင် သမ္မတဦးဝင်းမြင့်နှင့် နိုင်ငံတော်၏အတိုင် ပင်ခံပုဂ္ဂိုလ်ဒေါ်အောင်ဆန်းစုကြည် အပါအဝင် နိုင်ငံရေးအကျဉ်သားများ ကျန်ရှိနေသောကြောင့် စစ်ကော်မရှင်ထံတွင် နိုင်ငံတကာဖိအားဆက်ရှိနေနိုင်ကြောင်း သိရသည်။
မြန်မာအရေးနှင့်ပတ်သက်ပြီး နိုင်ငံတကာ၏ တူညီသောဆန္ဒများတွင် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်သားများအားလုံးပြန်လွှတ်ပေးရန်ပါဝင်ပြီးတွေ့ဆုံဆွေးနွေးမှုတိုက်တွန်းချက်များရှိနေသဖြင့် နိုင်ငံတကာဖိအားများဆက် လက်ရှိနေနိုင်ကြောင်း ISP- Myanmar ၏ ထုတ်ပြန်ချက်တွင်ဖော်ပြထားသည်။
စစ်ကော်မရှင်သည် ပြီးခဲ့သည့်ရက်ပိုင်းတွင် ၎င်းတို့၏ ရွေး ကောက်ပွဲအတုကို မဲပေးနိုင်ရေးအတွက်ဟုဆိုကာ ၅၀၅-က ဖြင့်ဖမ်းဆီးထားသူ ၇၀၀ ကျော်နှင့်အမှုဖွင့်ထားသူ ၅၀၀၀ ကျော်ကို လွတ်ငြိမ်းနှင့် လွတ်ငြိမ်းသက်သာခွင့်ပေးခဲ့သည်။
စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်သည် အာဏာ သိမ်းထားသည့် ငါးနှစ်အတွင်း ဒေါ်အောင်ဆန်းစုကြည်နှင့် သမ္မတကြီးဦးဝင်းမြင့်အပါအဝင် ထိပ်ပိုင်းခေါင်းဆောင်းများနှင့်ဆန္ဒပြရာတွင်ပါဝင်သည့်ပြည်သူများကိုဖမ်းဆီးထားခြင်းဖြစ်သည်။
စစ်ကောင်မရှင်ပေးသော ငါးနှစ်အတွင်း လွတ် ငြိမ်းချမ်းသာခွင့် (၁၈) ကြိမ်ရှိ၍ အကျဉ်သား၊ အကျဉ်သူ ၁၁၂,၉၁၆ ဦးပြန်လည်လွှတ်ပေးရာတွင် နိုင်ငံရေးအကျဉ်သား ၁၅,၄၄၄ ဦးပါဝင်ပြီး နိုင်ငံရေးအကျဉ်းသားပါဝင်မှု ၁၃ ဒသမ ၇ ရာ ခိုင်နှုန်းသာရှိကြောင်း မြန်မာ့မဟာဗျူဟာနှင့် မူဝါဒလေ့လာရေးအင်စတီကျူ ( ISP) ထံက သိရသည်။
မတရားဖမ်းဆီးခံထားရသည့် နိုင်ငံတော်သမ္မတဦးဝင်းမြင့်နှင့် နိုင်ငံတော်၏အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားများကို ခြွင်းချက်မရှိပြန်လွှတ်ပေးရန် ဥရောပပါလီမန်က သတင်းထုတ်ပြန်ထား သည်။
ဓာတ်ပုံ – မောင်သိန်း ဒဿနိက
