ဧရာဝတီတိုင်းမ်
နိုဝင်ဘာ ၃၀ ရက်
အင်ဒိုနီးရှားနိုင်ငံအနောက်ပိုင်း ဆုမားတြားကျွန်းမှာ မိုးသည်းထန်စွာ ရွာသွန်းမှုကြောင့် သဘာဝ ဘေးအန္တရာယ်တွေ ဖြစ်ပွားခဲ့ရာ လူ ၃၀၀ ကျော် သေဆုံးခဲ့ပါတယ်။
စနေနေ့အထိ လူ ၃၀၃ ဉီး သေဆုံးခဲ့ပြီး ၂၇၉ ဉီး ပျောက်ဆုံးနေတယ်လို့ အင်ဒိုနီးရှား ဘေး အန္တရာယ် စီမံခန့်ခွဲရေးအေဂျင်စီက ပြောပါတယ်။
ဆုမားတြားကျွန်းမှာ အင်္ဂါနေ့က စတင်ခဲ့တဲ့ မိုးသည်းထန်စွာ ရွာသွန်းမှုကြောင့် ရေကြီးရေလျှံမှုနဲ့ မြေပြိုမှုတွေ ဖြစ်ပွားခဲ့တယ်လို့ မိုးလေဝသဌာနမှ တာဝန်ရှိသူတွေက ပြောပါတယ်။
ဆုမားတြားကျွန်းပေါ်ရှိ ဒေသအချို့မှာ တစ်ရက်အတွင်း မိုးရေချိန် ၃၀၀ မီလီမီတာကျော် စံချိန် တင် ရွာသွန်းခဲ့တယ်လို့ ၎င်းတို့က ဆိုပါတယ်။
ဆုမားတြားကျွန်းမြောက်ပိုင်းမှာ ရိုက်ကူးထားတဲ့ ရုပ်သံဖိုင်တစ်ခုမှာ ရွှံ့နွံဖုံးလွှမ်းနေတဲ့ လူနေဧရိ ယာတစ်ခုနဲ့ အာဏာပိုင်တွေက ရှာဖွေရေးနဲ့ ကယ်ဆယ်ရေးလုပ်ငန်းတွေ ဆောင်ရွက်နေတာကို ဖော်ပြပါ တယ်။
မြေပြိုမှုတွေ၊ မြစ်ရေကြီးမှုတွေကို သတိထားကြဖို့ မိုးလေဝသဌာနမှ တာဝန်ရှိသူတွေက ဆုမား တြားကျွန်း ဒေသခံတွေကို တိုက်တွန်းနေပါတယ်။
အာရှတိုက်ရှိ အခြားတိုင်းပြည်တွေမှာလည်း မိုးရေကြီးမှုတွေ ဖြစ်ပွားနေပြီး နိုဝင်ဘာလနှောင်း ပိုင်းကတည်းက ထိုင်းမှာ ရေဘေးကြောင့် လူ ၁၆၂ ဉီးနဲ့ သီရိလင်္ကာမှာ လူ ၁၅၃ ဉီး သေဆုံးခဲ့ပါတယ်။
ကိုးကား – NHK
Ref; Heavy rain leaves over 300 dead in Sumatra, Indonesia
