ဧရာဝတီတိုင်းမ်
နိုဝင်ဘာ ၂၉ ရက်
ထိုင်းတောင်ပိုင်းမှာ ရေကြီးရေလျှံမှုကြောင့် သေဆုံးသူ ၁၄၅ ဉီးအထိ ရှိလာခဲ့ပြီး ရေဘေး အဆိုး ရွားဆုံးသင့်ခဲ့တဲ့ ဆောင်ခလာပြည်နယ်မှာ သေဆုံးသူ ၁၀၀ ကျော်ခဲ့တယ်လို့ ထိုင်းအစိုးရက ပြောပါ တယ်။
ထိုင်းနိုင်ငံတောင်ပိုင်း အထူးသဖြင့် မလေးရှားနယ်စပ်အနီး ဟတ်ယိုင်ခရိုင်မှာ ဒီသီတင်းပတ်အ တွင်း ရေဘေးသင့်ခဲ့ပါတယ်။
တောင်ပိုင်းပြည်နယ်တွေမှာ ရေဘေးကြောင့် စုစုပေါင်း သေဆုံးသူ ၁၄၅ ဉီးအထိရှိပြီး ဆောင်ခ လာပြည်နယ်တစ်ခုတည်းမှာ သေဆုံးသူ ၁၁၀ ဉီး ရှိခဲ့တယ်လို့ ထိုင်းအစိုးရ ပြောရေးဆိုခွင့်ရှိသူ ဆီရီပေါင် က သတင်းစာရှင်းလင်းပွဲမှာ ပြောပါတယ်။
ရေကြီးမှုမှာ ပြန်ကျသွားပြီဖြစ်လို့ ရှာဖွေရေးနဲ့ ကယ်ဆယ်ရေးလုပ်ငန်းတွေ ပိုပြီး အောင်မြင်ခဲ့ တာလို့ ၎င်းက ဆက်ပြောပါတယ်။
ရေဘေးကြောင့် ထိခိုက်ပျက်စီးမှုတွေ ဆိုးရွားစွာ ဖြစ်ပွားခဲ့ပြီး ပြည်သူထောင်နဲ့ချီ ပိတ်မိကာ လမ်းတွေ ဖြတ်ကူးမရဘဲ မြေနိမ့်ရှိ အဆောက်အအုံတွေ၊ ကားတွေ ရေနစ်မြှုပ်ခဲ့ပါတယ်။
ထိုင်းတောင်ပိုင်းမှာ မိုးရေချိန် နည်းသွားတယ်လို့ မိုးလေဝသဌာနက ပြောကြားခဲ့ပေမယ့် ဒေသ အချို့မှာ မိုးသက်မုန်တိုင်းတွေ ကျရောက်နိုင်တယ်လို့ သတိပေးပါတယ်။
ဆောင်ခလာပြည်နယ်မှာ ရေကျသွားပေမယ့် သေဆုံးသူဉီးရေ စံချိန်တင် တိုးလာခဲ့တယ်လို့ ဒေ သန္တရ အာဏာပိုင်တွေက ပြောပါတယ်။
လမ်းမကြီးတွေ ပျက်စီးပြီး ဓာတ်တိုင်တွေပြိုကျကာ အိမ်သုံးပစ္စည်းတွေနဲ့ အမှိုက်သရိုက်တွေ လမ်းမကြီးတွေတစ်လျှောက် လွင့်မျောနေပုံကို ရေဘေးသင့်ဒေသမှာရိုက်ကူးထားတဲ့ ရုပ်သံဖိုင်တွေနဲ့ ဓာတ်ပုံတွေမှာ မြင်တွေ့ရပါတယ်။
ကယ်ဆယ်ရေးသမားတွေဟာ ရေနစ်မြှုပ်ခဲ့တဲ့ လူနေဧရိယာတွေ အထူးသဖြင့် ထိုင်းနိုင်ငံတောင် ပိုင်းရှိ အကြီးဆုံးမြို့တော်ဖြစ်တဲ့ ဟတ်ယိုင်အထိ သွားရောက်ကာ လူသေအလောင်းတွေ ထပ်တွေ့ခဲ့ တယ်လို့ သတင်းတွေက ဖော်ပြပါတယ်။
ကိုးကား – Aljazeera
Ref; Death toll from flooding in southern Thailand reaches at least 145
