ဧရာဝတီတိုင်းမ်
နိုဝင်ဘာ ၂၂ ရက်
ဧရာဝတီတိုင်း၊ အစိုးရနည်းပညာအထက်တန်းကျောင်း (ပုသိမ်) ကျောင်းဝင်းအတွင်း နိုဝင်ဘာလ ၁၉ ရက်နေ့က ကျောင်းသားနှစ်ဦး စကားများရန်ဖြစ်ရာတွင် အထိုးခံရသူ ကျောင်းသားဟောင်းမှာ အသက်အန္တရာယ် စိုးရိမ်ရကြောင်း အထိုးခံရနှင့်ရင်းနှီးသူထံမှ သိရသည်။
ဖြစ်စဉ်တွင် ကိုယ်ထိလက်ရောက် ကျူးလွန်ခံရသူ ကျောင်းသားဟောင်းသည် ပြင်းထန်သော ဒဏ်ရာများဖြင့် ပုသိမ်ဆေးရုံမှတစ်ဆင့် ရန်ကုန်ဆေးရုံကြီး သို့ ပို့ဆောင်ကာ ဆေးကုသမှု ခံယူနေရသည်။ ထိုးနှက်ခံရမှုကြောင့် ဦးနှောက်သွေးယိုမှု၊ နှာခေါင်းရိုးကျိုး၊ လည်ပင်းရိုးကျိုး စသည့် ပြင်းထန်ဒဏ်ရာများ ရရှိခဲ့ပြီး ယနေ့အထိ သတိလစ်နေဆဲဖြစ်ကြောင်း သိရသည်။
“ ကျွန်တော့်သူငယ်ချင်းက သူ့ကျောင်းဟောင်းက ကျောင်းမှာအမှတ်စာရင်းသွားထုတ်တယ်။ အဲဒီမှာ တတိယနှစ်ကျောင်း သားရဲ့ ရည်းစားဟောင်းအကြောင်းကို စလိုက်တယ်။ အဲ့ဒါကို စိတ်ဆိုးသွားပြီးတော့ တိုင်နဲ့ခေါင်း ညှပ်ကန်လိုက်တာ။ အသေ သတ်မယ်ဆိုပြီး အောက်ထပ်မှာ ဒုတ်သွားယူလိုက်တော့မှ လူတွေသိကုန်တယ်။ ပုသိမ်ဆေးရုံပို့ကတည်းက သတိလစ်တာ ဒီနေ့အထိပဲ” ဟု ဆေးရုံတက် နေရသူ၏ သူငယ်ချင်းက ဧရာ၀တီတိုင်းမ်ကို ပြောသည်။
ကိုယ်ထိလက်ရောက် ကျူးလွန်ခဲ့သူ တတိယနှစ်ကျောင်းသားကို ဖြစ်စဉ်ဖြစ်ပွားပြီးနောက် နိုဝင်ဘာ ၂၀ ရက်နေ့တွင် ရဲစခန်းက ဖမ်းဆီးသွားပြီး ကျောင်းဘက်မှလည်း ကျောင်းနှစ်နှစ်နားရန် အရေးယူခံ ထားကြောင်း သိရသည်။
လက်ရှိတွင် စစ်ကော်မရှင်လက်အောက်ရှိ အထက်တန်းကျောင်းများအပါအဝင် အစိုးရနည်းပညာ အထက်တန်းကျောင်းနှင့် တက္ကသိုလ်ကျောင်းများ၌ ကျောင်းသားများအကြား ဆေးလိပ်၊ ဘီယာ၊ အရက် သောက်သုံးမှုများ ရှိနေပြီး ကျောင်းသားအချင်းချင်း ရန်ဖြစ်မှုများ တိုးပွားလာကြောင်း ယင်းကျောင်း များထံမှ စုံစမ်းသိရသည်။
ဓာတ်ပုံ-ပြစ်မှုကျူးလွန်သူ
