လေသာတောင်ကို စစ်ကူပေးရန်ခြုံခိုတက်လာသည့် စစ်ကော်မရှင်တပ် သေဆုံးမှုများနေ၍ လေကြောင်းပစ်ကူပေးပြီး ကယ်ထုတ်နေရ

ဧရာဝတီတိုင်းမ်
အောက်တိုဘာ ၁၀ ရက်

ပဲခူးတိုင်းအနောက်ခြမ်း ပန်းတောင်းမြို့နယ်၊ လေသာတောင်သို့ စစ်ကူပေးရန်တက်လာသည့် စစ်ကော် မရှင်စစ်ကြောင်းသည် အာရက္ခတပ်တော် (AA) နှင့် ပူးပေါင်းတပ်များ၏ တိုက်ခိုက်ခံရပြီး သေဆုံးမှု များကာ နောက်ဆုတ်ပြေးနေရကြောင်း သိရသည်။

ယနေ့ အောက်တိုဘာ ၁၀ ရက် နံနက်ပိုင်းတွင် ဆင်လန်စခန်းမှ လေသာတောင်ဘက်သို့ ထွက်လာသည့် စစ်ကော်မရှင်တပ် တိုက်ခိုက်ခံရပြီး သေဆုံးမှုများသည့်အတွက် လေကြောင်းမှပစ်ကူပေးပြီး ကယ်ထုတ်နေရကြောင်း သတင်းရင်းမြစ်ထံမှ သိရသည်။

“ဆင်လန်စခန်းကနေ လေသာတောင်ဘက်ကိုထွက်လာတဲ့တပ်က AA ထိပ်တိုက်တွေ့ပြီး အတိုက် ခံရတာ။ Y 12 နဲ့ဗုံးကြဲပေးနေရတယ်”ဟု စစ်ရေးသတင်းရင်းမြစ်က ဧရာဝတီတိုင်းမ်ကို ပြောသည်။

အင်အား ၁၀၀ နီးပါးပါ စစ်ကော်မရှင်တပ်သည် ပန်းတောင်း-တောင်ကုတ် ကားလမ်းတစ်လျှောက် ခြုံခိုချီတက်လာပြီး လေသာတောင်ကြောသို့ ရောက်ရှိရန်ကြိုးစားစဉ်တွင် AA တပ်များနှင့် ထိပ်တိုက် တွေ့ပြီး ထိခိုက်သေဆုံးမှုများကာ နောက် ဆုတ်ပြေးရကြောင်း သိရသည်။

စစ်ကူပေးရန်တက်လာသည့် အဆိုပါအဖွဲ့ကို စစ်ကော် မရှင်က Y 12 ဖြင့် ဆက်တိုက်ဗုံးပစ်ကူပေးပြီးပြန် လည်ကယ်ထုတ်နေကြောင်း ဒေသတွင်း သတင်းရင်း မြစ်ထံမှ သိရသည်။

ပြီးခဲ့သည့် အောက်တိုဘာ ၆ ရက်နှင့် ၇ ရက်နေ့တို့တွင် စစ်ကော်မရှင်နှင့် AA တို့ လက်နက်ကြီးအပြန် အလှန်ပစ်ခတ် တိုက်ပွဲပြင်းထန်ခဲ့ပြီးနောက် လေသာ‌တောင်နှင့် ညောင်ကျိုးစခန်းတစ်ဝိုက် စစ်ကော် မရှင်တပ်များ ကစဉ့်ကလျားထွက်ပြေးရပြီး ဒရုန်းနှင့် လက်နက်ကြီးပစ်ကူများပါ ပေးခဲ့ရကြောင်း သိရသည်။

စစ်ကော်မရှင်က ညောင်ကျိုးစခန်းတစ်ဝိုက်ကို ပြန်လည်ထိန်းချုပ်လိုနေပြီး တောင်ကုတ်လမ်းတစ် ကြောကိုပါ စိုးမိုးမှုရယူနိုင်ရန် ကြိုးပမ်းနေသော်လည်း ထိုးစစ်ဆင်လာသည့်တပ်များ ထိခိုက်သေဆုံး မှုများစွာနှင့် တပ်ဆုတ်ပြေးနေရသည်။

ဓာတ်ပုံ-AA Info Desk (ပုံဟောင်း)