ဧရာဝတီတိုင်းမ်
စက်တင်ဘာ ၂၂ ရက်
ဧရာ၀တီတိုင်း၊ အင်္ဂပူမြို့နယ်အတွင်းရှိ ကျေးရွာအချို့တွင် စက်တင်ဘာလဒုတိယပါတ်မှ စတင်ကာ ပြည်သူ့စစ်သင်တန်းတက်ရန်အတွက် ကျေးရွာတစ်ရွာလျှင် ခုနှစ်ယောက်နှုန်းဖြင့် စစ်ကောင်စီက တောင်းခံနေကြောင်း သိရသည်။
ကျေးရွာအုပ်စုအချို့တွင် အသက် ၃၅ နှစ်အထက်အမျိုးသားအချို့ကို ရွေးချယ်ကာ ပြည်သူ့စစ်သင်တန်းတက်ရန် ဖောင်ဖြည့်ခိုင်းနေကြောင်း ဒေသခံများထံကသိရသည်။
“တစ်လကိုအလှည့်ကျတဲ့ရွာက ခုနှစ်ယောက်စီ သင်တန်းလွှတ်ပေးရမယ်ပြောတယ်။ ဒေသတွင်းမှာပဲ လုံခြုံရေးလုပ်ရမယ်လို့တော့ပြောတယ်”ဟု ဒေသခံတစ်ဦးမှ ဧရာ၀တီတိုင်းမ်ကိုပြောသည်။
အင်္ဂပူမြို့နယ် တောင်စင်း၊ သံပုရာကုန်း၊ ကြက်ပေါင်ကုန်း၊ ကျီးပင်၊ကျောက်တလုံး၊ ပိန္နဲကွင်းကျေးရွာတို့တွင် ပြည်သူ့စစ်သင်တန်းသို့ပို့ရန် လူရွေးချယ်ရန် မြို့နယ်စစ်ကောင်စီမှ ကြိုတင်အကြောင်းကြားထားကြောင်း သိရသည်။
ဧရာ၀တီတိုင်းအတွင်းရှိ မြို့နယ်အချို့တွင် အာရက္ခတပ်တော်နှင့် ပူးပေါင်းတပ်များသည် စစ်ကော်မရှင်တပ်နှင့် တိုက်ပွဲများဖြစ်ပွားနေပြီး လုံခြုံရေးအကြောင်းပြချက်ဖြင့် ပြည်သူ့စစ်များဖွဲ့ရန် ဖိအားပေးခိုင်းစေနေခြင်းဖြစ်သည်။
