ဒုတိယဝန်ကြီးချုပ် ၂ ဦးအပါအဝင် စစ်ဗိုလ်ချုပ်ကြီးများ ကြံ့ခိုင်ရေးပါတီသို့ ပြောင်းကာ အစိုးရဖွဲ့ရန် ကြံစည်

ဧရာဝတီတိုင်းမ်
စက်တင်ဘာ ၁၃ ရက်

စစ်ခေါင်းဆောင် တရားမဝင်ကျင်းပမည့် ရွေးကောက် ပွဲသို့ဝင်ပြီး အစိုးရဖွဲ့နိုင်ရေးအတွက် စစ်ကော်မရှင် အရာရှိကြီးများ ကြိုးပမ်းနေကြကြောင်း သိရသည်။

အဆိုပါ စစ်အရာရှိကြီးများထဲတွင် ဒုတိယဝန်ကြီးချုပ် ဗိုလ်ချုပ်ကြီးတင်အောင်စန်း၊ ဒုတိယဝန်ကြီးချုပ် ဗိုလ်ချုပ်ကြီးမြထွန်းဦး အပါအဝင် စစ်တပ်မှ အငြိမ်း စားယူပြီး ကြံ့ခိုင်ရေးပါတီ(USDP)သို့ဝင်ကာ ရွေးကောက် ပွဲဝင်ပြိုင်မည့် စစ်အရာရှိကြီးများစာရင်း ထွက်ပေါ်လာကြောင်း သိရသည်။

စစ်ကော်မရှင်တပ်မှ အငြိမ်းစားဗိုလ်ချုပ်ကြီး အောင်လင်းဒွေး၊ ကာကွယ်ရေးပစ္စည်းထုတ်လုပ်ရေး အရာရှိချုပ်ရုံးမှ ဒုတိယဗိုလ်ချုပ်ကြီး ကံမြင့်သန်း၊ စစ်ရာထူးခန့်ချုပ် ဒုတိယဗိုလ်ချုပ်ကြီး လင်းအောင်၊ တပ်မတော်ကာကွယ်ရေး ဦးစီးချုပ်ရုံး (ကြည်း) မှ ဒုတိယဗိုလ်ချုပ်ကြီး စိုးတင့်နိုင်၊ စစ်ရေးချုပ် ဒုတိယဗိုလ်ချုပ်ကြီး ဖုန်းမြတ်၊ အမှတ် (၃) စစ်ဆင်ရေးအထူးအဖွဲ့မှူး (ကစထ-၃) ဒုတိယဗိုလ်ချုပ်ကြီး တေဇကျော်၊ အမှတ် (၆) စစ်ဆင်ရေးအထူးအဖွဲ့မှူး (ကစထ-၆) ဒုတိယဗိုလ်ချုပ်ကြီး သက်ပုံ တို့ပါဝင်ပြီး ၎င်းတို့သည် USDP ပါတီနှင့် ညှိနှိုင်းလုပ်ဆောင်နေကြောင်း သတင်းရင်းမြစ်ထံမှ သိရသည်။

ယခုလာမည့် ဒီဇင်ဘာ ၂၈ ရက်တွင် အပိုင်းလိုက်ကျင်းပမည့် ရွေးကောက်ပွဲ၌ စစ်တပ်အရာရှိများ တပ်မှအနားယူကာ ပါတီရွေးကောက်ပွဲသို့ ဝင်ရောက်ယှဉ် ပြိုင်ပြီး စစ်သက်တမ်းအာဏာ ထပ်တိုးရန် ကြံစည်နေကြောင်း သတင်းရင်းမြစ်က ဆိုသည်။

စစ်ခေါင်းဆောင်အပါအဝင် စစ်အရာရှိများသည် ၎င်းတို့ ပူးပေါင်းကြံစည်ထားသည့် ရွေးကောက်ပွဲကို ကျင်းပနိုင်ရေးအတွက် ကြိုးပမ်းနေပြီး ရွေးကောက်ပွဲမှ ထွက်ပေါ်လာသည့် အစိုးရသစ်ကို အာဏာ လွှဲပြောင်းပေးမည်ဟု ပြောဆိုကာ ၎င်း၏ အမိန့်အာဏာတည်စေသော စစ်အရာရှိကြီးများကိုရွေး၍ ရွေးကောက်ပွဲကျင်းပရန် ပြုလုပ်လာခြင်းဖြစ် သည်။

နယ်မြေမတည်ငြိမ်သည့် စစ်ကိုင်းတိုင်းနှင့် မန္တလေးတိုင်းအတွင်း စစ်ကော်မရှင်က စိုးမိုးမှုရယူနိုင်ရန် အင်အားအလုံးအရင်းသုံး၍ စစ်ကြောင်းထိုးပြီး နယ်မြေအချို့ကို ပြန်လည်ထိန်းချုပ်လာသည်။

စစခေါင်းဆောင် ဗိုလ်ချုပ်မှုးကြီးမင်းအောင်လှိုင်သည် အာဏာသိမ်းပြီး စစ်ကောင်စီဖွဲ့ကာ ခြောက်လ တစ်ကြိမ် အာဏာသက်တမ်းတိုးလာပြီးနောက် ပြီးခဲ့သည့် ဇူလိုင် ၃၁ ရက်နေ့က စစ်ကောင်စီအဖွဲ့ကို ရုတ်သိမ်းပြီး စစ်ကော်မရှင်ပြောင်းလဲဖွဲ့စည်းခဲ့သည်။

ထိုသို့ပြောင်းလဲဖွဲ့စည်းရာတွင် ဗိုလ်ချုပ်ကြီးအောင်လင်ဒွေး၊ ဗိုလ်ချုပ်ကြီးညိုစော၊ ဗိုလ်ချုပ်ကြီး တင်အောင်စန်း၊ ဗိုလ်ချုပ်ကြီး မြထွန်းဦးတို့ လေးဦးကို စစ်ဘက်ရာထူးများမှဖယ်ရှားကာ အရပ်ဘက်သို့ စစ်ခေါင်းဆောင်က ပြောင်းရွှေ့ခဲ့သည်။

စစ်ခေါင်းဆောင်က ၎င်းကိုယ်တိုင် ရွေးကောက်ပွဲကို စီမံခန့်ခွဲ၍ စစ်တပ်အာဏာဆက်လက်တည်တံ့ ရေးအတွက် အကွက်ချလှုပ်ရှားမှုများ ပြုလုပ်ထားပြီး ရွေးကောက်ပွဲ နီးကပ်လာချိန်တွင် စစ်ဘက် အရာရှိကြီးများကို ပါတီဝင်ခွင့်ပြုကာ ရွေးကောက်ပွဲသို့ ဝင်ပြိုင်ခိုင်းရန် ညွှန်ကြားမှုရှိသည်ဟု သိရသည်။

အထက်ပါ စစ်ဘက်ရာထူးမှ အနားပေးခံထားရသည့် အရာရှိများမှာ စစ်ကော်မရှင်နှင့် စစ်ကော်မရှင်နှင့် အမျိုးသားကာ ကွယ်ရေးနှင့်လုံခြုံရေးကောင်စီ (ကာလုံ) တွင် အရေးကြီးသည့် ရာထူးနှင့် လုပ်ဆောင်မှု များတွင် ဆက်လက်လုပ်ကိုင်နေဆဲဖြစ်သည်။

ပုံစာ-စစ်ဗိုလ်ချုပ်ကြီးများ