ဧရာဝတီတိုင်းမ်
စက်တင်ဘာ ၁၃ ရက်
မြောက်ကိုရီးယားအစိုးရဟာ ပြည်ပရုပ်ရှင်တွေ၊ ရုပ်သံဇာတ်လမ်းတွဲတွေ ကြည့်ရှုပြီး မျှဝေတာ ကြောင့် ဖမ်းဆီးမိတဲ့သူတွေအတွက် သေဒဏ်အမိန့် ဖော်ဆောင်တာ ပိုလုပ်လာတယ်လို့ ကုလသမဂ္ဂရဲ့ အစီရင်ခံစာတစ်ခုက ဖော်ပြပါတယ်။
ပြင်ပကမ္ဘာနဲ့ အဆက်အသွယ်ဖြတ်တောက်ထားတဲ့ မြောက်ကိုရီးယား အာဏာရှင်တွေဟာ ပြည် သူတွေကို အဓမ္မ ခိုင်းစေမှုတွေ ပြုလုပ်ကာ လွတ်လပ်ခွင့်တွေကို ကန့်သတ်လာတယ်လို့ အစီရင်ခံစာက ဆိုပါတယ်။
ပြီးခဲ့သောဆယ်စုနှစ်အတွင်း မြောက်ကိုရီးယားနိုင်ငံဟာ နိုင်ငံသားတွေအပေါ် ထိန်းချုပ်မှုတွေ တင်းကျပ်ခဲ့တယ်လို့ ကုလသမဂ္ဂ လူ့အခွင့်အရေးရုံးက ပြောပါတယ်။
“မျက်မှောက်ကမ္ဘာမှာ ဘယ်အခြားပြည်သူတွေကမှ အခုလိုမျိုး ကန့်သတ်ချက်တွေ တင်းကျပ်ခံ ရတာမရှိပါဘူး။ ပြည်သူတွေအပေါ် စောင့်ကြည့်မှုတွေ ပိုမို ပြုလုပ်ခဲ့ပါတယ်” လို့ အစီရင်ခံစာက ဆိုပါ တယ်။
ယခုအခြေအနေ ဆက်ဖြစ်နေပါက မြောက်ကိုရီးယားပြည်သူတွေဟာ ဒုက္ခသုတ်ခ၊ ရက်စက် သော ဖိနှိပ်မှုနဲ့ ကြောက်ရွံ့မှု ပိုမို ကြုံတွေ့ခံစားရမယ်လို့ ကုလသမဂ္ဂ လူ့အခွင့်အရေးဆိုင်ရာ မဟာမင်း ကြီး ဗော်လ်ကာတပ်ခ်က ပြောပါတယ်။
သေဒဏ်အမိန့်ကို မကြာခဏ အသုံးပြုတယ်လို့ ပြီးခဲ့သော ၁၀ နှစ်အတွင်း မြောက်ကိုရီးယားမှ လွတ်မြောက်လာသူတွေနဲ့ အင်တာဗျူး ၃၀၀ ကျော်ကို အခြေခံတဲ့ အစီရင်ခံစာက တွေ့ရှိခဲ့ပါတယ်။
၂၀၁၅ ခုနှစ်နောက်ပိုင်း သေဒဏ်အမိန့် ချမှတ်နိုင်တဲ့ ဥပဒေသစ် ၆ ခုထက်မနည်း ပြဌာန်းခဲ့ပြီး သေဒဏ်ချမှတ်နိုင်တဲ့ ပြစ်မှုတစ်မျိုးမှာ ပြည်ပရုပ်ရှင်နဲ့ ရုပ်သံဇာတ်လမ်းတွဲတွေ ကြည့်ရှုတာနဲ့ မျှဝေတာ ဖြစ်တယ်လို့ သိရပါတယ်။
နိုင်ငံခြားဇာတ်လမ်းအကြောင်းအရာတွေ ဖြန့်ဖြူးမှုကြောင့် ကွက်မျက်မှုတွေ ပိုရှိခဲ့တယ်လို့ မြောက်ကိုရီးယားမှ လွတ်မြောက်လာသူတွေက ကုလသမဂ္ဂ သုတေသီတွေကို ပြောပါတယ်။
ပြည်သူတွေကြား အကြောက်တရား သွတ်သွင်းဖို့ ဥပဒေချိုးဖောက်သူတွေကို အဖွဲ့လိုက် သေ နတ်နဲ့ပစ်ခတ်ပြီး ကွက်မျက်တာတွေ ရှိခဲ့တယ်လို့ ၎င်းတို့က ဆိုပါတယ်။
ကိုးကား – BBC
Ref; North Korea executing more people for watching foreign films and TV, UN finds
