ဧရာဝတီတိုင်းမ်
ဩဂုတ် ၃၀ ရက်
ကလေးငယ်တွေ အပါအဝင် လူ ၂၃ ဉီး သေဆုံးခဲ့တဲ့ ရုရှားရဲ့ ယူကရိန်းအပေါ် တိုက်ခိုက်မှုကို အမေရိကန်သမ္မတ ဒေါ်နယ်ထရမ့်ရဲ့ အထူးကိုယ်စားလှယ် ကိတ်ကဲလော့ဂ်က ရှုတ်ချခဲ့ပြီး ထရမ့်ရဲ့ ငြိမ်း ချမ်းရေးကြိုးပမ်းမှုတွေကို ခြိမ်းခြောက်နေတယ်လို့ ဆိုပါတယ်။
ရုရှားရဲ့ ဗုဒ္ဓဟူးနေ့ တိုက်ခိုက်မှုမှာ ဒုံးကျည် ၃၁ စင်းနဲ့ ဒရုန်း ၆၀၀ ခန့် ပါဝင်ခဲ့ပြီး ကျူးကျော်စစ် စတင်ပြီးနောက် အကြီးမားဆုံး တိုက်ခိုက်မှုတွေထဲကတစ်ခုလို့ ယူကရိန်းလေတပ်ဖွဲ့က ပြောပါတယ်။
ရုရှားနိုင်ငံဟာ စစ်သားတွေ၊ လက်နက်တွေကို ပစ်မှတ်မထားခဲ့ပဲ လူနေဧရိယာတွေ၊ အရပ်ဘက် ရထားတွေ၊ ဉရောပရုံးတွေနဲ့ အပြစ်မဲ့ပြည်သူတွေကို ပစ်မှတ်ထားခဲ့တယ်လို့ ကိတ်ကဲလော့ဂ်က ပြောပါ တယ်။
သမ္မတ ဒေါ်နယ်ထရမ့်က ရုရှားရဲ့ ယူကရိန်းအပေါ် တိုက်ခိုက်မှုသတင်းကြောင့် မပျော်ရွှင်ခဲ့သလို အံ့အားသင့်တာမရှိခဲ့ဘူးလို့ အိမ်ဖြူတော် ပြန်ကြားရေးအရာရှိ ကာရိုလိုင်းလီဗစ်က ပြောပါတယ်။
ဉရောပသမဂ္ဂက ရုရှားအပေါ် ထပ်တိုး ဒဏ်ခတ်ပိတ်ဆို့မှုတွေ ပြုလုပ်မယ်လို့ ဉရောပကော်မရှင် ဉက္ကဌ အူဆူလာဗွန်ဒါလီယန်းက ပြောပါတယ်။
ရုရှားသမ္မတ ဗလာဒီမာပူတင်ရဲ့ ရည်ရွယ်ချက်တွေနဲ့ပတ်သက်လို့ ဘယ်သူကမှ ပြောတိုင်းမယုံ သင့်တော့ဘူးလို့ နေတိုးအဖွဲ့ အကြီးအကဲ မတ်ခ်ရုတေးက ပြောပါတယ်။
ယူကရိန်းစစ်တပ်ဟာ ရုရှား ရေနံချက်စက်ရုံတွေ၊ အခြားပစ်မှတ်တွေကို တိုက်ခိုက်နေတယ်လို့ ရုရှားသမ္မတရုံး ပြောရေးဆိုခွင့်ရှိသူ ဒီမီထရီပက်ရှ်ကော့ဗ်က သတင်းထောက်တွေကို ပြောကြားခဲ့ပြီး ရု ရှားက ဆွေးနွေးရေးလုပ်ငန်းစဉ်မှာ စိတ်ဝင်စားနေဆဲလို့ ဆိုပါတယ်။
ကိုးကား – NHK
Ref; US envoy: Russia’s attack on Ukraine threatens Trump’s peace efforts
