ဧရာဝတီတိုင်းမ်
ဩဂုတ် ၃၀ ရက်
ရုရှားက ယူကရိန်းနိုင်ငံ၊ ကိယက်ဗ်မြို့တော်ကို လေကြောင်းတိုက်ခိုက်ပြီးနောက် ဗြိတိန်ဆိုင်ရာ ရုရှားသံအမတ်ကို နိုင်ငံခြားရေးရုံးသို့ ဆင့်ခေါ်မယ်လို့ သိရပါတယ်။
ရုရှားရဲ့ ကိယက်ဗ်မြို့တော်ကို လေကြောင်းတိုက်ခိုက်မှုတွေကြောင့် ကလေးငယ်လေးဉီး အပါအ ဝင် လူ (၁၇) ဉီးထက်မနည်း သေဆုံးခဲ့ပြီး ဗြိတိသျှကောင်စီရုံးတွေ ဆိုးရွားစွာ ပျက်စီးခဲ့တယ်လို့ သိရပါ တယ်။
ဗြိတိန်ဆိုင်ရာ ရုရှားသံအမတ် အန်ဒရေကီလင်ဟာ နိုင်ငံခြားရေးရုံးမှ တာဝန်ရှိသူတွေနဲ့ တွေ့ဆုံ ရမှာဖြစ်ပါတယ်။ ရုရှားသံအမတ်ကို ဆင့်ခေါ်ထားပြီး သတ်ဖြတ်မှုနဲ့ ဖျက်ဆီးမှုတွေ ရပ်တန့်ရမယ်လို့ ဗြိ တိန် နိုင်ငံခြားရေးဝန်ကြီး ဒေးဗစ်လန်မီက လူမှုကွန်ရက် X မှာ အတည်ပြုခဲ့ပါတယ်။
ဗြိတိသျှကောင်စီဟာ ဗြိတိန်နဲ့ အခြားတိုင်းပြည်တွေကြား ယဉ်ကျေးမှုဆက်ဆံရေး တိုးမြှင့်ဖို့ ဆောင်ရွက်ရပြီး ရုရှားရဲ့တိုက်ခိုက်မှုကြောင့် လုံခြုံရေးတစ်ဉီး ဒဏ်ရာရရှိခဲ့ပါတယ်။
ဒေးဗစ်လန်မီက ရုရှားရဲ့ လေကြောင်းတိုက်ခိုက်မှုကို ရှုတ်ချခဲ့ပြီး ပူတင်ရဲ့ တိုက်ခိုက်မှုကြောင့် အရပ်သားတွေ သေဆုံးကာ နေအိမ်တွေ၊ အဆောက်အအုံတွေ ပျက်စီးခဲ့တယ်လို့ ပြောပါတယ်။
ဉရောပသမဂ္ဂကလည်း ကိယက်ဗ်မြို့အပေါ် ရုရှားရဲ့ တိုက်ခိုက်မှုတွေနဲ့ပတ်သက်လို့ ရုရှားသံအ မတ်ကို ဆင့်ခေါ်မယ်လို့ နိုင်ငံခြားရေးမူဝါဒ အကြီးအကဲ ကာဂျာကဲလက်စ်က ပြောပါတယ်။
ရုရှားဟာ တိုက်ခိုက်မှုတွေ အရှိန်မြှင့်ပြီး ငြိမ်းချမ်းရေး ကြိုးပမ်းမှုတွေကို ပျက်ရယ်ပြုခဲ့တယ်ဆို တာ တိုက်ခိုက်မှုက ပြသခဲ့တယ်လို့ ၎င်းက ဆက်ပြောပါတယ်။
ရုရှားနိုင်ငံဟာ ငြိမ်းချမ်းရေး မျှော်လင့်ချက်တွေကို အဆင်ခြင်မဲ့ တိုက်ခိုက်မှုတွေနဲ့ တမင်ဖျက် ဆီးခဲ့တယ်လို့ ဗြိတိန်ဝန်ကြီးချုပ် ကီယာစတန်မာက စွပ်စွဲခဲ့ပါတယ်။
ကိုးကား – BBC
Ref; UK summons Russian ambassador over Ukraine strikes
