ထိုင်းဝန်ကြီးချုပ် ပေထောင်တန် ရှင်နာဝပ် ရာထူးမှ ဖယ်ရှားခံရပြီး သတင်းစာရှင်းလင်းပွဲပြုလုပ်နေ

ဧရာ၀တီတိုင်းမ်
ဩဂုတ် ၂၉ ရက်

ဝန်ကြီးချုပ် ပေထောင်တန် ရှင်နာဝပ်ကို ရာထူးမှ ဖယ်ရှားရန် ဖွဲ့စည်းပုံအခြေခံဥပဒေခုံရုံးက ယနေ့ ဩဂုတ် ၂၉ ရက်တွင် ဆုံးဖြတ်ခဲ့သည်။ ကမ္ဘောဒီးယားအထက်လွှတ်တော်ဥက္ကဋ္ဌ ဟွန်ဆန်နှင့် ဖုန်းပြောဆိုခဲ့သည့် အသံဖိုင် ပေါက်ကြားပြီးနောက် ယခုလို ဆုံးဖြတ်ခဲ့ခြင်း ဖြစ်သည်။

ထိုင်းဖွဲ့စည်းပုံအခြေခံဥပဒေအရ လက်ရှိအစိုးရအဖွဲ့တစ်ခုလုံးကိုလည်း ရာထူးမှ ဖယ်ရှားမည်ဖြစ်ပြီး လွှတ်တော်က ထိုင်းနိုင်ငံ၏ ခေါင်းဆောင်အသစ်ကို ရွေးကောက်တင်မြှောက်ရန် တွေ့ဆုံမည် ဖြစ်ကြောင်း သိရသည်။

အဆိုပါ ဆုံးဖြတ်ချက်နှင့်ပတ်သက်၍ ခုံရုံးက “ဝန်ကြီးချုပ်၏ အပြုအမူသည် မရိုးသားမှု မရှိသော်လည်း ဟွန်ဆန်နှင့် ပြောဆိုခဲ့သည့် ဆွေးနွေးမှုများက အမျိုးသားအကျိုးစီးပွားကို ကာကွယ်ရန် ပျက်ကွက်ခဲ့ပြီး ဟွန်ဆန်၏ အကျိုးစီးပွားကို နိုင်ငံ၏အကျိုးစီးပွားထက် ဦးစားပေးခဲ့သည်” ဟု ပြောကြားခဲ့သည်။

အဆိုပါ လုပ်ရပ်သည် ကျင့်ဝတ်ဆိုင်ရာစံနှုန်းများကို ပြင်းထန်စွာချိုးဖောက်ရာ ရောက်သောကြောင့် ဝန်ကြီးချုပ်ရာထူးအတွက် အရည်အချင်းမပြည့်မီတော့ဟု ခုံရုံးက သုံးသပ်ခဲ့ခြင်းဖြစ်သည်။

ပေထောင်တန်ရှင်နာဝပ်သည် ကမ္ဘောဒီးယားအထက်လွှတ်တော်ဥက္ကဋ္ဌ ဟွန်ဆန်နှင့် ဖုန်းပြောဆိုမှု အသံဖိုင် ပေါက်ကြားခဲ့ခြင်းကြောင့် ဝန်ကြီးချုပ်ရာထူးမှ ဖယ်ရှားခံရပြီးနောက် အစိုးရအိမ်တော်တွင် သတင်းစာရှင်းလင်းပွဲတစ်ရပ် ပြုလုပ်လျက်ရှိသည်။

ကိုးကား -The Nation Thailand