ဧရာဝတီတိုင်းမ်
ဩဂုတ် ၂၉ ရက်
ပြည်ပကျောင်းသားတွေနဲ့ သတင်းထောက်တွေ အမေရိကန်နိုင်ငံမှာ နေထိုင်ခွင့် ပိုမို ကန့်သတ်ဖို့ သမ္မတ ဒေါ်နယ်ထရမ့်အစိုးရက လုပ်ဆောင်လာပါတယ်။
အဆိုပြုချက်သစ်အရ နိုင်ငံခြားသားတွေကို ကျောင်းသားဗီဇာနဲ့ အမေရိကန်နိုင်ငံမှာ လေးနှစ် ထက်ပို၍ နေထိုင်ခွင့်ပြုတော့မှာ မဟုတ်ပါဘူး။
နိုင်ငံခြားသား သတင်းထောက်တွေရဲ့ နေထိုင်ခွင့်ကို ရက် ၂၄၀ အထိ ကန့်သတ်မှာဖြစ်ပေမယ့် ရက် ၉၀ သာ နေထိုင်ခွင့်ပြုတဲ့ တရုတ်သတင်းထောက်တွေမှလွဲပြီး နိုင်ငံခြားသတင်းထောက်တွေကို နောက်ထပ် ရက် ၂၄၀ သက်တမ်းတိုးဖို့ လျှောက်ထားခွင့်ပြုမှာဖြစ်ပါတယ်။
အရေအတွက် မဖော်ပြနိုင်သော နိုင်ငံခြားသားတွေဟာ အမေရိကန်နိုင်ငံမှာ အမြဲနေ ကျောင်း သားတွေလို နေထိုင်ခွင့်ရဖို့ ကျောင်းသားဗီဇာတွေ သက်တမ်းတိုးနေတယ်လို့ အမိမြေလုံခြုံရေးဝန်ကြီး ဌာနက ပြောပါတယ်။
၂၀၂၃ ခုနှစ်အတွင်း အမေရိကန်ရဲ့စီးပွားရေးကို ဒေါ်လာ ၅၀ ဘီလီယံကျော် ထောက်ကူခဲ့တဲ့ နိုင်ငံ တကာမှ ကျောင်းသားတွေကြောင့် အမေရိကန်နိုင်ငံသားတွေနဲ့ အခွန်ထမ်းပြည်သူတွေ မည်ကဲ့သို့ ထိ ခိုက်ခဲ့ရတယ်ဆိုတာကို အမိမြေလုံခြုံရေးဝန်ကြီးဌာနက ရှင်းမပြခဲ့ပါဘူး။
အမေရိကန်နိုင်ငံဟာ ၂၀၂၃-၂၀၂၄ ပညာသင်နှစ်မှာ ပြည်ပကျောင်းသား ၁ ဒသမ ၁ သန်းကျော် လက်ခံခဲ့ရာ အခြားတိုင်းပြည်တွေကို ကျော်တက်သွားခဲ့ပြီး အရေးပါတဲ့ ဝင်ငွေရပေါက် ဖြစ်ခဲ့ပါတယ်။
ဒေါ်နယ်ထရမ့်ရဲ့ လုပ်ရပ်တွေကြောင့် နိုင်ငံတကာကျောင်းသားတွေ ကျောင်းဝင်ခွင့်လျှောက် ထားမှု လျှော့နည်းလာတဲ့သတင်းတွေနဲ့အတူ တက္ကသိုလ်တွေက ပညာသင်နှစ်တွေ စတင်ချိန်မှာ အခုလို ကြေညာချက် ထွက်လာတာပါ။
တရုတ်သမ္မတ ရှီကျင့်ဖျင်နဲ့ ဆက်ဆံရေး ကောင်းမွန်တာကြောင့် အမေရိကန်နိုင်ငံမှာ တရုတ် ကျောင်းသား အရေအတွက်ကို ၆၀၀၀၀၀ အထိ နှစ်ဆတိုးလက်ခံမယ်လို့ ဒေါ်နယ်ထရမ့်က ပြောပါ တယ်။
အစ္စရေးဆန္ဒပြပွဲ ဉီးဆောင်ခဲ့တဲ့ တက်ကြွလှုပ်ရှားသူတွေကို နိုင်ငံခြားရေးဝန်ကြီး မာကိုရူဘီယိုရဲ့ ပစ်မှတ်ထားမှုကြောင့် ဒေါ်နယ်ထရမ့် သမ္မတဖြစ်လာပြီးနောက်ပိုင်း ကျောင်းသားဗီဇာ ၆၀၀၀ ကို ပယ် ဖျက်ခဲ့တယ်လို့ နိုင်ငံခြားရေးဝန်ကြီးဌာနက ပြောပါတယ်။
ဒေါ်နယ်ထရမ့်က တက္ကသိုလ်တွေအတွက် ဖက်ဒရယ်ရန်ပုံငွေ ဒေါ်လာ ဘီလီယံချီ ရပ်ဆိုင်းခဲ့ပြီး ကွန်ဂရက်က ပုဂ္ဂလိကတက္ကသိုလ်တွေအပေါ် အခွန်နှုန်းတွေ တိုးမြှင့်ခဲ့ပါတယ်။
ကိုးကား – TRT World
Ref; Trump administration tighten stay limits for foreign students and journalists
