ဧရာဝတီတိုင်းမ်
ဩဂုတ် ၂၉ ရက်
တောင်ကိုရီးယားနိုင်ငံက စာသင်ကျောင်းတွေမှာ စာသင်ချိန်အတွင်း မိုဘိုင်းဖုန်းနဲ့ စမတ်ကိရိ ယာတွေ အသုံးပြုခွင့်ပိတ်ပင်တဲ့ ဉပဒေကြမ်းကို အတည်ပြုခဲ့ရာ ကလေးငယ်တွေနဲ့ ဆယ်ကျော်သက် တွေကြား ဖုန်းသုံးခွင့်တင်းကျပ်တဲ့ နောက်ဆုံးတိုင်းပြည် ဖြစ်လာပါတယ်။
သုတေသနတွေက မိုဘိုင်းဖုန်းရဲ့ အန္တရာယ်များသော အကျိူးသက်ရောက်မှုတွေကို ညွှန်ပြထား ရာ ၂၀၂၆ ခုနှစ်၊ မတ်လ လာမယ့်ပညာသင်နှစ်မှာ အာဏာတည်လာမယ့် အဆိုပါဉပဒေဟာ စမတ်ဖုန်း စွဲလန်းမှုကို ထိန်းချုပ်ဖို့ လွှတ်တော်အမတ်တွေ ကြိုးပမ်းမှုရဲ့ရလဒ် ဖြစ်ပါတယ်။
စမတ်ဖုန်းအသုံးပြုမှုက ကျောင်းသားတွေရဲ့ ပညာသင်စွမ်းရည်ကို ထိခိုက်စေကာ စာလေ့လာ ချိန် လျှော့နည်းစေတယ်လို့ လွှတ်တော်အမတ်တွေ၊ မိဘတွေနဲ့ ဆရာတွေက ပြောပါတယ်။
မိုဘိုင်းဖုန်း အသုံးပြုခွင့်ပိတ်ပင်တဲ့ ဉပဒေကို ကျောင်းသားတွေက လက်မခံဘဲ အဆိုပါဉပဒေက အလုပ်ဖြစ် မဖြစ်၊ ဂယက်ရိုက်ခတ်မှုနဲ့ စမတ်ဖုန်းစွဲလန်းမှု အကြောင်းရင်းကို ဖြေရှင်းပေး မပေး မေးခွန်း ထုတ်နေကြပါတယ်။
မိုဘိုင်းဖုန်းအသုံးပြုခွင့် ပိတ်ပင်တဲ့ဉပဒေကို ဗုဒ္ဓဟူးနေ့က လွှတ်တော်အမတ် ၁၆၃ ဉီးအနက် ၁၁၅ ဉီးက ထောက်ခံမဲပေးပြီး အတည်ပြုခဲ့တာပါ။
တောင်ကိုရီးယားရှိ စာသင်ကျောင်းအများစုက စမတ်ဖုန်းအသုံးပြုခွင့် ပိတ်ပင်တဲ့ပုံစံအချို့ကို ဖော်ဆောင်ခဲ့ပြီးဖြစ်ပါတယ်။
ဖင်လန်နဲ့ပြင်သစ်လို တိုင်းပြည်အချို့က စာသင်ကျောင်းတွေမှာ ကလေးငယ်တွေကို မိုဘိုင်းဖုန်း အသုံးပြုခွင့် ပိတ်ပင်ထားပါတယ်။ အီတလီ၊ နယ်သာလန်နဲ့ တရုတ်နိုင်ငံတို့ရှိ စာသင်ကျောင်းအားလုံးမှာ ဖုန်းအသုံးပြုခွင့် ပိတ်ပင်ထားပါတယ်။
တောင်ကိုရီးယားပြည်သူ ၅၁ သန်းရဲ့ လေးပုံတစ်ပုံဟာ မိုဘိုင်းဖုန်းတွေကို အားထားလွန်းတယ် လို့ ၂၀၂၄ ခုနှစ် အစိုးရရဲ့စစ်တမ်းတစ်ခုအရ သိရပါတယ်။
တောင်ကိုရီးယားနိုင်ငံမှာ အသက် ၁၀ နှစ်အရွယ် ကလေးငယ်များမှ ၁၉ နှစ်အရွယ် လူငယ်များ အထိ မိုဘိုင်းဖုန်းအသုံးပြုမှုက ၄၃ ရာခိုင်နှုန်းရှိတယ်လို့ သိရပါတယ်။
ကိုးကား – BBC
Ref; South Korea bans phones in school classrooms nationwide
