မိသားစုက လျော်ကြေးငွေ သိန်း ၂၁၀၀ ကျော် ပေးပြီးနောက် ချစ်သူကောင်မလေးရဲ့ မြန်မာကျားဖြန့်ထံ ရောင်းစားခံခဲ့ရတဲ့ တရုတ်လူငယ် လွတ်မြောက်လာ

ဧရာဝတီတိုင်းမ်
ဩဂုတ် ၂၅ ရက်

အသက် ၁၉ နှစ်အရွယ် ချစ်သူကောင်လေးကို မြန်မာနိုင်ငံရှိ ကျားဖြန့်ဂိုဏ်းတစ်ခုထံ ဒေါ်လာ ၁၄၀၀၀ နဲ့ညီမျှတဲ့ ယွမ် ၁၀၀၀၀၀ နဲ့ ရောင်းချခဲ့သူလို့ စွပ်စွဲခံနေရတဲ့ အသက် ၁၇ နှစ်အရွယ် အမျိုးသမီး ငယ်တစ်ဉီး ပါဝင်သောအမှုကို တရုတ်နိုင်ငံရှိ တရားရုံးတစ်ရုံးက ကြားနာတော့မှာဖြစ်ပါတယ်။

‘ဟောင်’လို့ခေါ်တဲ့ အမျိုးသားဟာ သူ့ရဲ့မိသားစုက ဒေါ်လာ ၄၈၀၀၀ နဲ့ညီမျှတဲ့ ယွမ် ၃၅၀၀၀၀ ကို ကျားဖြန့်ဂိုဏ်းတစ်ခုထံ ပေးပြီးနောက် ဇွန်လကုန်မှာ လွတ်မြောက်လာခဲ့ပါတယ်။

‘ဟောင်’ဟာ လေးလနီးပါး ဖမ်းဆီးခံခဲ့ရပြီး အဆိုပါကာလအတွင်း မကြာခဏ ရိုက်နှက်ခံခဲ့ရလို့ နားထိုင်းလာခဲ့ပါတယ်။ ဟောင်ရဲ့အစ်မဖြစ်သူက ဖြစ်စဉ်ကို လူမှုကွန်ရက်မှာ မျှဝေခဲ့လို့ တရုတ်ပြည်မ ကြီးရဲ့ လူမှုကွန်ရက်မှာ လူသိများလာခဲ့ပါတယ်။

‘ဟောင်’ဟာ ‘ကျိုး’လို့ခေါ်တဲ့ ချစ်သူကောင်မလေးကို ပြီးခဲ့တဲ့နှစ် အောက်တိုဘာလအတွင်း တ ရုတ်နိုင်ငံတောင်ပိုင်း ကွမ်တုံပြည်နယ်၊ ကွမ်ကျိုးမြို့ရှိ ဘိလိယက်ခန်းမတစ်မှာ တွေ့ဆုံခဲ့ပြီး ချစ်ကြိုက်ခဲ့ ပါတယ်။

သူဟာ ဖုကျန်ပြည်နယ်မှဖြစ်ပြီး သူ့ရဲ့မိဘတွေဟာ တရုတ်နိုင်ငံတစ်ဝှမ်း ရင်းနှီးမြှုပ်နှံမှုတွေရှိ ကြောင်း ‘ကျိုး’က ‘ဟောင်’ကို ပြောခဲ့ပါတယ်။ အလုပ်မရှိတဲ့ ‘ဟောင်’ ကို သူ့မိသားစုတွေ စီးပွားရေးလုပ် ငန်းအချို့ လုပ်ကိုင်ရာ မြန်မာနိုင်ငံမှာ အလုပ်ရှာဖို့ ‘ကျိုး’က ဖျောင်းဖျခဲ့ပါတယ်။

ဖေဖော်ဝါရီလ ၂ ရက်မှာ ‘ဟောင်’က မိသားစုကို အသိမပေးဘဲ ‘ကျိုး’ နဲ့အတူ ထိုင်းနိုင်ငံသို့ လေ ကြောင်းနဲ့ သွားရောက်ခဲ့ပါတယ်။

အဆိုပါစုံတွဲဟာ ထိုင်းနဲ့မြန်မာကြားရှိ နယ်စပ်ကို ဆက်သွားခဲ့ပြီး လက်နက်ကိုင်လူတစ်ဉီးက ၎င်းတို့ကို လာရောက်ခေါ်ဆောင်ကာ ‘ဟောင်’ ရဲ့ နိုင်ငံကူးလက်မှတ်နဲ့ မိုဘိုင်းဖုန်းကို သိမ်းဆည်းခဲ့ပါ တယ်။

‘ဟောင်’ က ခဏ ဂိမ်းကစားချင်လို့ ဖုန်းပြန်ပေးဖို့ ‘ကျိုး’ ကို တောင်းပန်ခဲ့ပြီး မိသားစုထံ ဖုန်း ဆက်ကာ အကျိုးအကြောင်း ရှင်းပြခဲ့ရာ မိသားစုဝင်တွေက တရုတ်ရဲတပ်ဖွဲ့ထံ ချက်ချင်း အကြောင်း ကြားခဲ့ပါတယ်။

သူ့ကို မြန်မာနိုင်ငံရှိ Kaixuan လို့ခေါ်တဲ့ ကျားဖြန့်လုပ်ငန်းတွေရှိရာ နေရာတစ်ခုသို့ ခေါ်ဆောင်ခဲ့ ပြီး သူ့ကို ကတုံးတုံးကာ အွန်လိုင်းမှာ ငွေလိမ်ဖို့ သင်ကြားပေးခဲ့တယ်လို့ ‘ဟောင်’က ပြောပါတယ်။

သူဟာ တစ်ရက်မှာ ၁၆ နာရီမှ ၂၀ နာရီအထိ လုပ်ကိုင်ခဲ့ရပြီး သတ်မှတ်ချက် မပြည့်မီပါက သံ တုတ်နဲ့ ရိုက်နှက်ခြင်း၊ ပါးရိုက်ခံရခြင်းရှိကြောင်း၊ ရိုက်နှက်ခံရမှုကြောင့် ‘ဟောင်’ က နားမကြားဖြစ်လာ ခဲ့ပြီး ၁၀ ကီလိုဂရမ်ကျော် ဝိတ်ကျသွားခဲ့ပါတယ်။

‘ဟောင်’ ကို ဝယ်ယူဖို့ ‘ကျိုး’ ကို ယွမ် ၁၀၀၀၀၀ ပေးခဲ့ရလို့ မိသားစုက လျော်ကြေးငွေပေးပါက ‘ဟောင်’ ကို လွှတ်ပေးဖို့ ကျားဖြန့်ဂိုဏ်းခေါင်းဆောင်က နောက်ပိုင်းမှာ ဆုံးဖြတ်ခဲ့ပါတယ်။

လျော်ကြေးငွေကိစ္စကို မြန်မာနိုင်ငံရှိ Chaoshan ကုန်သည်အသင်းရဲ့ အကူအညီနဲ့ ညှိနှိုင်းပြီး နောက် ကျားဖြန့်ဂိုဏ်းခေါင်းဆောင်က ယွမ် ၃၅၀၀၀၀ ပမာဏကို လက်ခံဖို့ သဘောတူခဲ့ပါတယ်။

‘ဟောင်’ ဟာ ဇွန်လအတွင်း တရုတ်နိုင်ငံသို့ ပြန်လာခဲ့ပြီး သူ့ချစ်သူကောင်မလေးမှာ ထိုင်းနိုင်ငံမှ ပြန်လာပြီး ၁၀ ရက်အကြာမှာ ဖမ်းဆီးခံခဲ့ရပါတယ်။

အဆိုပါအမှုကို ကနဉီးက ဇူလိုင်လကုန်မှာ ကြားနာဖို့ စီစဉ်ထားပေမယ့် အကြောင်းအမျိုးမျိုး ကြောင့် ရက်ပြောင်းခဲ့ပါတယ်။

ကိုးကား – South China Morning Post
Ref; Chinese man sold by teenage lover to Myanmar fraud ring freed after family pays US$48,000