ဧရာဝတီတိုင်းမ်
ဇွန်လ ၂၈ ရက်
မြောက်ကိုရီးယားနိုင်ငံက ငါးနှစ်အတွင်း ပထမဆုံးအကြိမ် နျူကလီးယားစမ်းသပ်မှု ပြုလုပ်တော့မယ်လို့ တောင်ကိုရီးယား ပြန်လည်ပေါင်းစည်းရေးဝန်ကြီးသစ် ကွမ်ယောင်ဆီရဲ့ ပြောကြားချက်အရ သိရပါတယ်။
“မြောက်ကိုရီးယားနိုင်ငံက နျူစမ်းသပ်မှုပြုလုပ်ဖို့ အရာအားလုံး အသင့်ဖြစ်နေပါပြီ။ နိုင်ငံရေးဆုံးဖြတ် ချက်တစ်ရပ် ချမှတ်ဖို့သာ ကျန်ပါတော့တယ်” လို့ ဇွန်လ ၂၇ ရက်က ဆိုးလ်မြို့တော်မှာပြုလုပ်တဲ့ ပြည်ပမီဒီယာ တွေအတွက် ရှင်းလင်းပွဲတစ်ခုမှာ သူက ပြောပါတယ်။
ဇန်နဝါရီလကတည်းက ဒုံးကျည်အစီအစဉ် ပြင်ဆင်မှုအရှိန်မြှင့်ခဲ့တဲ့ မြောက်ကိုရီးယားအစိုးရက သတ္တမ အကြိမ်မြောက် နျူကလီးယားစမ်းသပ်မှုပြုလုပ်ဖို့ ပြင်ဆင်မှုအားလုံး လုပ်ဆောင်ခဲ့ပြီးဖြစ်တယ်လို့ သိရပါတယ်။
မြောက်ကိုရီးယားနိုင်ငံမှာ ကိုဗစ်-၁၉ ကပ်ရောဂါဖြစ်ပွားမှုနဲ့ ရာသီဥတုဆိုးရွားမှုကြောင့် နျူကလီးယား စမ်းသပ်မှု ကြန့်ကြာခဲ့တယ်လလို့ ပညာရှင်အချို့က ထင်မြင်ယူဆကြပါတယ်။
သမ္မတသစ် ယွန်းဆတ်ခ်ယို မေလ ၁၀ ရက်မှာ ကျမ်းသစ္စာကျိန်ဆိုပြီး သုံးရက်အကြာမှာ ဝန်ကြီးအဖြစ် ခန့်အပ်ခံခဲ့ရတဲ့ ကွမ်ယောင်ဆီက မြောက်ကိုရီးယားနိုင်ငံက ခုနှစ်ကြိမ်မြောက် နျူစမ်းသပ်မှုကို ယခုချိန်ထိ မပြု လုပ်ရခြင်းအကြောင်းရင်းကို မသိရှိရသေးဘူးလို့ ပြောပါတယ်။
မြောက်ကိုရီးယားနိုင်ငံက နျူစမ်းသပ်မယ့်အစီအစဉ်ကို ရှေ့ဆက်လုပ်ဆောင်ပါက တောင်ကိုရီးယားနိုင် ငံရဲ့ တုံ့ပြန်မှုက မကြာသေးမီအချိန်ကထက် ပြင်းထန်မယ်လို့ ရှေ့နေအဖြစ်မှ လွှတ်တော်အမတ်ဖြစ်လာသူ ကွမ် ယောင်ဆီက ဆိုပါတယ်။
“နျူစမ်းသပ်မှုတစ်ခုဟာ ဒေသတွင်းတည်ငြိမ်မှုနဲ့ နိုင်ငံတကာငြိမ်းချမ်းရေးအတွက် အလွန်ပြင်းထန်တဲ့ ခြိမ်းခြောက်မှုတစ်ခု ဖြစ်ပါတယ်။ နျူကလီးယား ရည်မှန်းချက်တွေကိုရပ်တန့်ပြီး စေ့စပ်ညှိနှိုင်းရေးစားပွဲဝိုင်းကို ပြန်လာဖို့ မြောက်ကိုရီးယားနိုင်ငံကို ကျွန်တော်တို့ ရှင်းရှင်းလင်းလင်း ပြောကြားပါမယ်” လို့ သူက ပြောပါတယ်။
မြောက်ကိုရီးယားနိုင်ငံနဲ့ ဆွေးနွေးဖို့ တံခါးဖွင့်ထားပေမယ့် တင်းမာသော ရပ်တည်ချက်တစ်ရပ် ကျင့်သုံး မယ်လို့ ရှေးရိုးစွဲဟု သတ်မှတ်ခံထားရသူ တောင်ကိုရီးယားသမ္မတ ယွန်းဆတ်ခ်ယိုက ပြောကြားထားပါတယ်။
နှစ်နိုင်ငံကြား တင်းမာမှုတွေ မြင့်တက်လာနိုင်တဲ့ လုပ်ဆောင်မှုတစ်ခုအဖြစ် မြောက်ကိုရီးယားက တောင် ကိုရီးယားနဲ့ နယ်နိမိတ်ချင်းထိစပ်နေတဲ့ လုံခြုံရေးအစောင့်အကြပ်ထူထပ်တဲ့နယ်စပ်ကို လက်နက်ကြီးတွေ ဖြန့် ကြက်ဖို့ စီစဉ်နေတယ်ဆိုတဲ့ ထင်မြင်ချက်တွေလည်း ရှိနေပါတယ်။
ကိုးကား – The Straits Times
Ref; North Korea all set for nuke test: South Korean minister
