ဧရာဝတီတိုင်းမ်
ဇူလိုင် ၁ ရက်
ဧရာ၀တီတိုင်း၊ မြောင်းမြမြို့နယ်အတွင်းရှိကျေးရွာအချို့တွင် ဇွန်လ နောက်ဆုံးပါတ်အတွင်း အသက် ၃၅ နှစ်အထက်အမျိုးသားများကို ကျေးရွာပြည်သူ့စစ်ဖွဲ့ရန် မဲနှိုက်ခိုင်းခဲ့ကြောင်း သိရသည်။
ကျွန်းထိပ်၊ သရက်တော၊ ချောင်းဗြဲကြီး၊ ငနိုးကွမ်းခြံ၊ ကျွန်းမြသာယာစသည့်ကျေးရွာများမှ အသက် ၃၅ နှစ်မှ ၆၀ နှစ်အထိ အမျိုးသားများကို စာရင်းကောက်ကာ ပြည်သူ့စစ်အတွက်မဲနှိုက်ခဲ့သဖြင့် ဒေသခံ ၃၀ ခန့်မဲပေါက်သွားကြောင်းသိရသည်။
“ကျေးရွာလုံခြုံရေးအတွက်လို့ပြောတာပဲ မဲနှိုက်တဲ့အထဲမှာ အုပ်ကြီးနဲ့ရာအိမ်မှူးအမျိုးတွေ မပါလို့ ရွာသားတွေကမကျေနပ်ကြဘူး”ဟု ဒေသခံတစ်ဦးမှ ဧရာ၀တီတိုင်းမ်ကိုပြောသည်။
ဧရာ၀တီတိုင်းရှိ ငါးသိုင်းချောင်း၊ လေးမျက်နှာမြို့နယ်များတွင် အာရက္ခတပ်တော်AA ပူးပေါင်းတပ်များနှင့် စစ်ကောင်စီတပ်တို့ကြားတိုက်ပွဲများပြင်းထန်နေပြီး လုံခြုံရေးအကြောင်းပြချက်ဖြင့် ပြည်သူ့စစ်များဖွဲ့ရန် စစ်ကောင်စီက ဖိအားပေးခိုင်းစေခြင်းဖြစ်ကြောင်း သိရသည်။
