ဧရာဝတီတိုင်းမ်
ဇွန် ၂၉ရက်
ဧရာ၀တီတိုင်းအတွင်းရှိမြို့နယ်အချို့တွင် ဇွန်လနောက်ဆုံးပါတ်အတွင်း လူငယ် ၁၀ ဦးအထက်ကို အုပ်ချုပ်ရေးမှူးများက ကြိုတင်အသိပေးခြင်းမရှိပဲ စစ်မှုထမ်းရန် အဓမ္မဖမ်းဆီးခေါ်ဆောင်ခြင်းခံခဲ့ရကြောင်း သတင်းရရှိသည်။
ပုသိမ်၊ မြောင်းမြ၊ ကျုံပျော်၊ ရေကြည်နှင့်မအူပင်မြို့နယ်များတွင် လူငယ်များကို တပ်နှင့်အုပ်ချုပ်ရေးအဖွဲ့များမှ ကြိုတင်အကြောင်းကြားခြင်းမရှိပဲ စစ်မှုထမ်းရန်ဖမ်းဆီးခေါ်ဆောင်သွားကြောင်း ဒေသခံများက ပြောသည်။
“မြို့ပေါ်နေတဲ့သူထက်စာရင် ကျေးရွာမှာနေတဲ့သူတွေပါတာများတယ်။ အိမ်ကိုလာပြီးစစ်မှုထမ်းပါတယ်ဆိုပြီး၀င်ဆွဲသွားကြတာ” ဟု ဒေသခံတစ်ဦးမှ ဧရာ၀တီတိုင်းမ်ကိုပြောသည်။
လက်ရှိတွင်ခေါ်ဆောင်ခံရသူ လူငယ်များကို မြို့နယ်များရှိ စစ်ကောင်စီတပ်များအတွင်းတွင်ခေါ်ဆောင်ထားပြီးမိဘများနှင့် ဆက်သွယ်ခွင့်မပေးဘဲ းစစ်သင်တန်းဆင်းမှ ဆက်သွယ်ခွင့်ရမည်ဟု သိရသည်။
စစ်ကောင်စီမှ ရှေ့တန်းစစ်မျက်နှာပြင်သို့ ပို့ဆောင်ရန်အတွက် ဧရာ၀တီတိုင်းအပါအ၀င် တိုင်းနှင့်ပြည်နယ် အချို့တွင် လူငယ်များကို အဓမ္မဝင်ရောက်ဖမ်းဆီးမှုများ ပိုမိုလုပ်ဆောင်နေကြောင်း ဒေသခံပြည်သူများထံက သိရသည်။
#ဧရာ၀တီတိုင်း #တစ်ပါတ်အတွင်းလူငယ်၁၀ဦးကျော် #စစ်မှုထမ်းရန် #အဓမ္မခေါ်ဆောင်ခံရ #Ayeyarwaddy_Times
