စစ်ကိုင်းတိုင်းအတွင်း ဗုံးလာကြဲသည့် စစ်ကောင်စီ၏ တိုက်လေယာဉ်ကို တော်လှန်ရေးတပ်ဖွဲ့များ ပစ်ချ

ဧရာဝတီတိုင်းမ်
ဇွန် ၁၀ ရက်

စစ်ကိုင်းတိုင်း၊ ပုလဲမြို့နယ်၊ ကန်ဒေါင့်ရဲစခန်းတိုက်ပွဲအတွင်း လာရောက်ဗုံးကြဲသည့် စစ်ကောင်စီ၏ တိုက် လေယာဉ်တစ်စီးကို ပစ်ချနိုင်ခဲ့ကြောင်း သိရသည်။

ယနေ့ ဇွန် ၁၀ ရက် နေ့လယ် ၁၂ နာရီ ၁၅ မိနစ်ခန့်တွင် ပုလဲမြို့နယ်အတွင်း ဗုံးလာကြဲသည့် စစ်ကောင်စီ၏ တိုက်လေယာဉ်တစ်စီးကို ပစ်ချနိုင်ခဲ့ကြောင်း ပြည်သူ့လွတ်မြောက်ရေးတပ်မတော် (PLA) က ထုတ်ပြန်လာသည်။

“ပစ်ချနိုင်တာ ၁၀၀ ရာခိုင်နှုန်းမှန်ပါတယ်။ PLA က ပစ်ချလိုက်တာပါ။ Yak 130 လို့ ကနဦးသိထားပါတယ်”ဟု စစ်ရေးသတင်းရင်းမြစ်က ဧရာဝတီတိုင်းမ်ကို ပြောသည်။

PLA ပစ်ချလိုက်သည့် စစ်ကောင်စီ၏ တိုက်လေယာဉ်သည် ပုလဲမြို့နယ်၊ စပါးစေ့ရွာအတွင်းသို့ ပျက်ကျသွားကြောင်း သိရသည်။

အဆိုပါ တိုက်လေယာဉ်သည် မှော်ဘီလေတပ်စခန်းမှ တက်လာပြီး ပုလဲမြို့နယ်အတွင်း ဗုံးကြဲရန်လာရောက်ခြင်းဖြစ်ကာ PLA က ပစ်ချလိုက်နိုင်ခြင်းဖြစ်သည်။

ပုံစာ-ပုလဲမြို့နယ်၊ စပါးစေ့ရွာအတွင်းသို့ ပျက်ကျခဲ့သည့် စစ်ကောင်စီ၏ တိုက်လေယာဉ်အပိုင်းအစများ

#စစ်ကိုင်း #ပုလဲ #ကန်ဒေါင့် #စစ်ကောင်စီ #တိုက် လေယာဉ် #ပစ်ချခံရ #PLA #Ayeyarwaddy_Times