ဧရာဝတီတိုင်းမ်
မတ် ၁၁ ရက်
ထိုင်ဝမ်ကျွန်းဝန်းကျင်မှာ လှုပ်ရှားမှုတွေက စံသတ်မှတ်ချက် ဖြစ်လာခဲ့တယ်လို့ တရုတ်စစ်တပ် ပြောရေးဆိုခွင့်ရှိသူက တရားဝင် ဝန်ခံလိုက်ပါတယ်။
ထိုင်ဝမ်အာဏာရ DPP ပါတီဟာ ခွဲထွက်ရေးရန်စမှုတွေ အရှိန်မြှင့်နေတယ်လို့ တရုတ်စစ်တပ် ပြောရေးဆိုခွင့်ရှိသူ ဝူကျင်းအား ကိုးကားပြီး နိုင်ငံပိုင် CCTV ရုပ်သံဌာနက ဖော်ပြခဲ့ပါတယ်။
ထိုင်ဝမ်လွတ်လပ်ရေးရဖို့နဲ့ ပြန်လည်ပေါင်းစည်းရေးကို ခုခံဖို့ DPP ပါတီဟာ အမေရိကန်နိုင်ငံအ ပေါ် အားကိုးနေရတယ်လို့ ၎င်းက ဆက်ပြောပါတယ်။
ထိုင်ဝမ်ပြဿနာဟာ တရုတ်ပြည်တွင်းရေးဖြစ်ပြီး ပြည်ပနိုင်ငံတွေရဲ့ ဝင်ရောက်စွက်ဖက်မှုကို သည်းညည်းခံမှာမဟုတ်ဖူးလို့ ဝူကျင်းက ဆိုပါတယ်။
အမေရိကန်နိုင်ငံက စစ်လက်နက်တွေရောင်းချမှု အပါအဝင် ထိုင်ဝမ်သို့ စစ်ရေးအကူအညီ ဆက် ပေးနေတာကြောင့် သူ့ရဲ့မှတ်ချက်စကားက အမေရိကန်နိုင်ငံကု ထိန်းကျောင်းဖို့ကြိုးပမ်းမှုလို့ ရှုမြင်နေ ကြပါတယ်။
တရုတ်စစ်တပ်က ခွဲထွက်ရေးဝါဒကို တန်ပြန်မှာဖြစ်ပြီး ထိုင်ဝမ်ကျွန်းဝန်းကျင် ကင်းလှည့်မှုတွေ နဲ့ စစ်ရေးလေ့ကျင့်မှုတွေက စံဖြစ်လာခဲ့တယ်လို့ ၎င်းက ပြောပါတယ်။
ပြီးခဲ့တဲ့နှစ်တွေအတွင်း တရုတ်စစ်လေယာဉ်တွေ၊ စစ်သင်္ဘောတွေဟာ ထိုင်ဝမ်ကျွန်းဝန်းကျင်မှာ ပိုပြီး ကင်းလှည့်လာတာကို ထိုင်ဝမ် ကာကွယ်ရေးဝန်ကြီးဌာနက နေ့စဉ် ဖော်ပြပါတယ်။
တရုတ်စစ်တပ်ရဲ့ ထိုင်ဝမ်ကျွန်းဝန်းကျင်မှာ ယင်းသို့သော လှုပ်ရှားမှုတွေက စံဖြစ်လာခဲ့တာလို့ ကျွမ်းကျင်သူတွေက ထောက်ပြပါတယ်။
ကိုးကား – NHK
Ref; China’s military says its activity around Taiwan has become ‘the norm’
#Ayeyarwaddy_Times
