ဧရာဝတီတိုင်းမ်
ဖေဖော်ဝါရီ ၂၆ ရက်
ရခိုင်ပြည်နယ်၊ ကျောက်ဖြူမြို့နယ်ရှိ ဓညဝတီရေတပ်ဌာနချုပ်အနီးတွင် အာရက္ခတပ်တော် AA နှင့် စစ်ကောင်စီတို့ တိုက်ပွဲဖြစ်ပွားနေပြီး စစ်ကောင်စီက လေကြောင်းမှ အပြင်းအထန်တိုက်ခိုက်နေကြောင်း သိရသည်။
ယနေ့ ဖေဖော်ဝါရီ ၂၆ရက်နေ့တွင် ဓညဝတီရေတပ်ဌာနချုပ်နှင့် လေးမိုင်အကွာ ဦးကင်းကျေးရွာတွင် AAနှင့် စစ်ကောင်စီတို့ လက်နက်ကြီးများဖြင့် အပြန်အလှန်ပစ်ခတ်တိုက်ခိုက်ခဲ့ပြီး စစ်ကောင်စီက နံနက် ၁၁နာရီ ၃၀မိနစ်ခန့်တွင် ဂျက်ဖိုက်တာ နှစ်စီးဖြင့် ဗုံးကြဲတိုက်ခိုက်ခဲ့ကြောင်း သိရသည်။
“လက်နက်ကြီးတွေ၊ ဒရုန်းတွေနဲ့ စစ်တပ်က ရေတပ်ဝန်းကျင်ကရွာတွေနဲ့ တောင်တန်းတွေဘက်ကို နေ့တိုင်းပစ်တယ်။ သစ်ပုတ်တောင်ကို ပိတ်ဆို့ထားတာ ဒီနေ့တော့ ရွာသားအချို့ ထွက်ပြေးခွင့်ရတယ်ကြားပါတယ်” ဟု ကျောက်ဖြူဒေသခံတစ်ဦးက ဧရာဝတီတိုင်းမ်ကို ပြောသည်။
ဓညဝတီရေတပ်ဌာနချုပ်အနီးရှိ ဦးကင်း၊ စည်မော်၊ ကြတ္တိန်ကျေးရွာအနီးကို AAက ထိန်းချုပ်ပိတ်ဆို့ပြီး ယမန်နေ့ ဖေဖော်ဝါရီ ၂၅ရက်နေ့က စစ်ကောင်စီတပ်များကို စတင်
တိုက်ခိုက်ခဲ့ကြောင်း သိရသည်။
စစ်ကောင်စီက ဖေဖော်ဝါရီ ၂၅ရက်နေ့ နေ့လယ် နှစ်နာရီဝန်းကျင်ခန့်ကလည်း ဂျက်ဖိုက်တာနှစ်စီးဖြင့် တိုက်ခိုက်ခဲ့သည့်အတွက် ဦးကင်းကျေးရွာမှ ဒေသခံလေးဦးသေဆုံးခဲ့သည်။
ပြီးခဲ့သည့် ဖေဖော်ဝါရီ ၂၁ရက်နေ့ ညနေပိုင်းမှစတင်ကာ AAက ဓညဝတီရေတပ်ဌာနချုပ်ကို လက်နက်ကြီးများဖြင့် ပစ်ခတ်တိုက်ခိုက်ခဲ့ပြီး စစ်ကောင်စီက ကြည်း၊ ရေ၊ လေဖြင့် ခုခံနေခဲ့ခြင်းဖြစ်သည်။
ဓညဝတီရေတပ်ဌာနချုပ်အနီးပတ်ဝန်းကျင်ကို စစ်ကောင်စီက ပိတ်ဆို့လိုက်ပြီး ကင်းပုန်းများဝပ်ကာ ဖြတ်သန်းသွားလာမှုများကို တားမြစ်ထားပြီး ရေတပ်ဌာနချုပ်အနီး ပင်
လည်ပြင်တွင်လည်း တိုက်သဘ်ော ၁၀ စီးခန့်ဖြင့် ကင်းလှည့်ကာ တိုက်ပွဲဖြစ်ပွါးသည့်နေရာသို့ လက်နက်ကြီးများဖြင့် ပစ်ခတ်နေကြောင်း သိရသည်။
#ကျောက်ဖြူ #ဓညဝတီရေတပ်ဌာနချုပ် #တိုက်ပွဲဖြစ် #စစ်ကောင်စီ #လေကြောင်းတိုက်ခိုက် #Ayeyarwaddy_Times
