ဧရာဝတီတိုင်းမ်
(မတူပီ)၊ ဖေဖော်ဝါရီ ၂၅ ရက်
ချင်းကာကွယ်ရေးတပ်ဖွဲ့(မတူပီ)၊ တပ်မဟာ ၂ လက်ခံအောက်ခံ၊ တပ်ရင်း၂ (အောက်ချင်းတပ်ရင်း) က လေးကြိမ်မြောက်ညီလာခံကို ဖေဖော်ဝါရီလ ၁၈ ရက်နေ့မှ ၂၈ ရက်နေ့အထိ ပြုလုပ်ကျင်းပမည်ဖြစ်ကြောင်း သိရသည်။
အခမ်းအနားတွင် CDF-မတူပီ၊ တပ်မဟာ ၂ ၊ တပ်မဟာမှူးဆလိုင်းနိုင်ဂျွန်ကိမ်းက အမှာစကားပြောကြားပြီး တော်လှန်ရေးကာလ လေးနှစ်အတွင်း ကျဆုံးရဲဘော်များ၏ မိသားစုဝင်များကို ဂုဏ်ပြုမှတ်တမ်းများ ပေးအပ်ခဲ့ကြောင်းထုတ်ပြန်ချက်အရ သိရသည်။
ထို့အပြင် ရဲဘော်များ၏ စိတ်ဓာတ်မြှင့်တင်နိုင်ရေးအတွက် ဘောလုံးပွဲ၊ ခြင်းလုံးနှင့် ကြက်တောင်ရိုက်ပြိုင်ပွဲတို့ကို ကျင်းခဲ့ပြီး အနိုင်ရသော ပြိုင်ပွဲဝင်အသင်းများကို တာဝန်ရှိသူများက ဆုများပေးအပ်ချီးမြှင့်ခဲ့ကြောင်းသိရသည်။
တော်လှန်ရေးကာလ လေးနှစ်အတွင်းတွင် အောက်ချင်းတပ်ရင်းမှ တပ်ရင်းမှူးအပါအဝင် ရဲဘော် ခုနှစ်ဦးကျဆုံးပြီး ကိုယ်လက်အင်္ဂါပေးဆပ်သူ ၁၆ ဦးရှိကြောင်း ထုတ်ပြန်ချက်တွင် ဖော်ပြထားသည်။
ချင်းကာကွယ်ရေးတပ်ဖွဲ့(မတူပီ)၊ တပ်မဟာ ၂ သည် ချင်းလဲန်အစိုးရနှင့် ပူးပေါင်းပြီး မိမိရည်မှန်းချက်ဖြစ်သည့် အာဏာရှင်စနစ်ပျက်သုန်း၍ ဖက်ဒရယ်ဒီမိုကရေစီရရှိသည့်တိုင် ဆက်လက်တိုက်ပွဲဝင်သွားမည်ဖြစ်ကြောင်းသိရသည်။
Photo-CDF-မတူပီ၊ အောက်ချင်းတပ်ရင်း၏ ညီလာခံကျင်းပသည့် မှတ်တမ်းပုံများ။
#CDF-မတူပီ #တပ်မဟာ၂ #တပ်ရင်း၂ #၄ကြိမ်မြောက် #ညီလာခံကျင်းပ #Ayeyarwaddy_Times
