မြန်မာပြည်သူတွေရဲ့ စစ်အာဏာရှင်တော်လှန်ရေးကို ကူညီဖို့ အချိန်ကျရောက်ပြီ

ဧရာဝတီတိုင်းမ်

သြဂုတ်လ ၂၃ ရက်

မြန်မာအာဏာသိမ်းအုပ်စုနဲ့ ထိတွေ့ဆက်ဆံရာမှာ နိုင်ငံတကာအသိုင်းအဝိုင်းကို အုပ်စုသုံးခု ခွဲခြားနိုင်ပြီး အရှက်မရှိတဲ့အုပ်စုမှာ စစ်ကောင်စီကို ထောက်ခံတဲ့ ရုရှား၊ တရုတ်နဲ့ အိန္ဒိယတို့ ပါဝင်ပါတယ်။

ရုရှားနဲ့တရုတ်က သူတို့ရဲ့ အကျိုးစီးပွားအတွက် အာဏာသိမ်းစစ်ကောင်စီကို လက်နက်တွေ ထောက်ပံ့ နေပါတယ်။ နောက်အုပ်စုတစ်ခုကတော့ ပြီးခဲ့တဲ့နှစ်က သဘောတူညီခဲ့တဲ့ ဘုံသဘောတူညီချက်ကို ဖော်ဆောင် ဖို့ ထပ်တလဲလဲ တိုက်တွန်းနေတဲ့ အာဆီယံအဖွဲ့ ဖြစ်ပါတယ်။

နောက်ဆုံးအုပ်စုကတော့ ဒဏ်ခတ်အရေးယူမှုတွေ ပြုလုပ်ကာ လူသားချင်းစာနာမှုအကူအညီ ပေးအပ် ပြီး အာဏာသိမ်းမှုကို အပြင်းအထန်ဆန့်ကျင်ကာ အရေးယူမှုတွေလုပ်ဆောင်ဖို့ တောင်းဆိုနေတဲ့ အနောက်အုပ်စု ဖြစ်ပါတယ်။

နိုင်ငံတကာအသိုင်းအဝိုင်းက ဘာကြောင့် အခုထိ ထဲထဲဝင်ဝင် မကူညီရသေးလဲဆိုတာကို မြန်မာပြည်သူ တွေ အားမလိုအားမရဖြစ်နေကြပါတယ်။ ဒီလိုအခြေအနေမှာ စစ်တပ်ရဲ့ လူမဆန်တဲ့ အာဏာမက်မှုနဲ့ စီးပွားရေး စီမံခန့်ခွဲမှုအလွဲတွေကြောင့် ထောင်ချီတဲ့ ပြည်သူတွေ သေဆုံးခြင်း၊ ဖမ်းဆီးခံရခြင်း၊ လူသားချင်းစာနာမှု အကျပ် အတည်း ဖြစ်လာခဲ့ပါတယ်။

မြန်မာ့အနာဂတ်ကို ပြည်တွင်းမှာ ဘာတွေဖြစ်နေသလဲဆိုတဲ့အချက်က ဆုံးဖြတ်ပေးမှာဖြစ်ပြီး စစ်ကောင် စီက အုပ်ချုပ်မှုကို တရားဝင်မှုဖြစ်စေဖို့ မျှော်လင့်နေတဲ့ လာမယ့်နှစ် ရွေးကောက်ပွဲကို နိုင်ငံတကာအသိုင်းအဝိုင်း က ကန့်ကွက်ကြဖို့ လိုပါတယ်။

အမျိုးသားညီညွတ်ရေးအစိုးရနဲ့ အာဏာရှင်တော်လှန်ရေးက နိုင်ငံတကာထောက်ခံမှု ရရှိဖို့နဲ့ စစ်ကောင် စီကိုဖြုတ်ချဖို့ ဆက်လက် တိုက်ပွဲဝင်မှာ သံသယရှိစရာမလိုပါဘူး။

နိုင်ငံတကာအသိုင်းအဝိုင်းရဲ့ မြန်မာ့အရေးနဲ့ပတ်သက်တဲ့ ကြိုးပမ်းမှုတွေက ကြားနေဝါဒသာဖြစ်ခဲ့ပါ တယ်။ တရုတ်၊ ရုရှားနဲ့ အိန္ဒိယနိုင်ငံတွေက အာဏာသိမ်းစစ်ကောင်စီကို လက်နက်ခဲယမ်းတွေ အပါအဝင် ပံ့ပိုးမှု တွေ ပြုလုပ်နေပါတယ်။

တရုတ်၊ ရုရှားနဲ့ အိန္ဒိယနိုင်ငံတွေက ဒီအတိုင်းသာ လက်နက်ခဲယမ်းအပါအဝင် အကူအညီတွေ ဆက်ပေး နေမယ်ဆိုရင် အာဏာသိမ်းစစ်ကောင်စီက နိုင်ငံတကာရဲ့ တရားဝင်မှုရရှိဖို့ လာမည့်နှစ်မှာပြုလုပ်မယ့် အတုအ ယောင် ရွေးကောက်ပွဲကို အသုံးပြုမှု အောင်မြင်သွားပါလိမ့်မယ်။

မြန်မာပြည်သူတွေကလည်း ကမ္ဘာနိုင်ငံတွေ အထူးသဖြင့် အနောက်နိုင်ငံတွေက ရုရှားစစ်တပ်ရဲ့ ကျူး ကျော်တိုက်ခိုက်မှုကို ခုခံနေတဲ့ ယူကရိန်းနိုင်ငံကို ဘာ့ကြောင့် ကူညီဖို့ အလွန်ဆန္ဒရှိနေသလဲဆိုပြီး မေးမြန်းလာ ပါလိမ့်မယ်။

မြန်မာပြည်သူတွေရဲ့ ခုခံတော်လှန်ရေး လှုပ်ရှားမှုကိုကူညီရာမှာ အရှိန်မြှင့်တင်ဖို့ အမေရိကန်ဦးဆောင်တဲ့ အနောက်နိုင်ငံတွေနဲ့ အာဆီယံနိုင်ငံအချို့အတွက် အချိန်ကျရောက်ပြီဖြစ်ပါတယ်။

မြန်မာပြည်သူတွေရဲ့ အာဏာရှင်တော်လှန်ရေးကို ကူညီဖို့ကြိုးပမ်းရာမှာလည်း ပြည်တွင်းက အခြေအနေ ကို ရှင်းရှင်းလင်းလင်း ခွဲခြမ်းစိတ်ဖြာဖို့နဲ့ သိရှိနားလည်ဖို့ လိုအပ်ပါတယ်။

မြန်မာ့အရေးဟာ ပြိုင်ဘက် နိုင်ငံရေးအသိုင်းအဝိုင်းနှစ်ခုကြား အာဏာလုတာမဟုတ်ဘဲ ဆယ်စုနှစ်ချီ တိုင်းရင်သားလူနည်းစုတွေကို စစ်ပွဲဆင်နွှဲနေပြီး ရိုဟင်ဂျာတွေကို လူမျိုးသုဉ်းသတ်ဖြတ်မှု ကျူးလွန်ကာ အရှေ့ တောင်အာရှမှာ ရက်စက်ကြမ်းကြုတ်တဲ့ ခမာနီအစိုးရနောက်ပိုင်း မမြင်တွေ့ရတော့တဲ့ ပြည်သူတွေအပေါ် ရက် စက်စွာ စစ်ဆင်ရေး ဆင်နွှဲနေသော

အမုန်းတရားကြီးမားတဲ့၊ အကျင့်ပျက်ချစားပြီး သွေးဆာနေတဲ့ စစ်တပ်ကို လူ ထုရဲ့တွန်းလှန်မှုသာ ဖြစ်ပါတယ်။

ငြိမ်းချမ်းရေး၊ တည်ငြိမ်ရေး မျှော်လင့်ချက်နဲ့အတူ လက်ရှိ အကျပ်အတည်းကနေ မြန်မာနိုင်ငံ ရုန်းထွက် နိုင်ဖို့ တစ်ခုတည်းသောနည်းလမ်းမှာ မြန်မာစစ်တပ်က နိုင်ငံရေးနယ်ပယ်မှာ မပတ်သက်ဖို့ဖြစ်ပါတယ်။

၂၀၂၃ ခုနှစ်မှာ ပြုလုပ်မယ့် စစ်တပ်ရဲ့ ဟန်ပြအတုအယောင် ရွေးကောက်ပွဲဟာ မြန်မာနိုင်ငံကို တစ်ပါတီ အုပ်ချုပ်တဲ့နိုင်ငံတော်အဖြစ် သို့မဟုတ် အာဏာသိမ်းစစ်ကောင်စီက မကြာခဏ ရည်ညွှန်းပြောလေ့ရှိတဲ့ “စည်း ကမ်းပြည့်ဝသော ဒီမိုကရေစီ” နိုင်ငံအဖြစ် ပြောင်းလဲဖို့သာလျင် ဖြစ်ပါတယ်။

စစ်တပ်ကို အာဏာမရရှိအောင် မြန်မာပြည်သူတွေရဲ့ ခုခံတော်လှန်မှုကို နိုင်ငံတကာအသိုင်းအဝိုင်းက အသိအမှတ်ပြုသင့်ပါတယ်။ စစ်တပ်က အာဏာရှိနေသရွေ့ မြန်မာနိုင်ငံအတွက် မျှော်လင့်ချက်ဆိုတာ မရှိပါဘူး။

စတန်းဖို့ဒ်တက္ကသိုလ် အာရှ-ပစိဖိတ်သုတေသနဌာန သုတေသီနှင့် BowerGroupAsia အကြီးတန်းအကြံပေး စ ကော့မာစီရယ်၏ United States Institute of Peace ဝက်ဘ်ဆိုဒ်တွင် သြဂုတ်လ ၂၂ ရက်က ဖော်ပြထားသည့် it’s time to help Myanmar’s resistance prevail ကို ဆီလျော်အောင် ဘာသာပြန်ဆိုထားခြင်းဖြစ်ပါသည်။ စကော့ မာစီရယ်သည် ၂၀၁၆

ခုနှစ်မှ ၂၀၂၀ ပြည့်နှစ်အထိ မြန်မာနိုင်ငံဆိုင်ရာ အမေရိကန်သံအမတ်ကြီးအဖြစ် တာဝန် ထမ်းဆောင်ခဲ့သည်။