ဧရာဝတီတိုင်းမ်
ဖေဖော်ဝါရီ ၁ ရက်
မွန်ပြည်နယ်၊ ရေးမြို့မရဲစခန်းတွင် သေနတ်ပစ်ပွားမှုဖြစ်ကာ အချုပ်သားအချို့ လွတ်မြောက်ပြီး ဒုရဲအုပ်အပါအဝင် သုံးဦး သေဆုံးခဲ့ကြောင်း သိရသည်။
ရေးရဲစခန်းရှိ အချုပ်သားများသည် ယနေ့ ဖေဖော်ဝါရီ ၁ ရက်နေ့ နံနက် ၉ နာရီခန့်က ဒုရဲအုပ်ထံမှ သေနတ်လုကာ ပစ်ခတ်မှုဖြစ်ပွားခဲ့ပြီးနောက် အချုပ်သား လေးဦးထွက်ပြေးလွတ်မြောက်သွားကြောင်း ရဲတပ်ဖွဲ့နှင့်နီးစပ်သူထံက သိရသည်။
“တာဝန်ကျ ဒုရဲအုပ်နဲ့အဖွဲ့ ရောက်လာချိန်မှာ အချုပ်သားက ရဲအုပ်သေနတ်ကိုလုပြီးပစ်တာ ဒုရဲအုပ်နဲ့အဖွဲ့သေတယ်။ အချုပ်သား လေးယောက် လွတ်သွားတယ်။ လွတ်သွားချိန်မှာ ရဲစခန်းထဲပစ်ခတ်ပြီး ကျန်ခဲ့တဲ့ စခန်းမှူးလည်းထိတယ်။ ဘယ်သူပစ်လို့ထိမှန်းမသိရဘူး။ အထဲကအချုပ် သားတွေလည်း ထိတယ်”ဟု ရဲတပ်ဖွဲ့နှင့်နီးစပ်သူက ဧရာဝတီ တိုင်းမ်ကို ပြောသည်။
ပစ်ခတ်ခံရမှုကြောင့် ဒုရဲအုပ်နိုင်လွင်ဦး၊ ရဲတပ်ကြပ် မြင့်ထွန်း၊ ရဲတပ်သား ကျော်စွာထက်တို့ နေရာတွင် သေဆုံးခဲ့ပြီး ရဲတပ်ဖွဲ့ဝင်အချင်းချင်း ပစ်ခတ်မှုကြောင့် ရဲစခန်းမှူးတွင် ရင်ဘတ်ကျည်ဖောက်ဒဏ်ရာရရှိပြီး စိုးရိမ်ရကြောင်း သိရသည်။
လက်ရှိတွင် ထွက်ပြေးသွားသည့်အချုပ်သားများ လွတ် မြောက်နေပြီး ပြန်လည်းဖမ်းဆီးရမိခြင်းမရှိသေးကြောင်း သိရသည်။
#မွန်ပြည်နယ် #ရေးမြို့ #မြို့မရဲစခန်း #အချုပ်သား #ထွက်ပြေး #ပစ်ခတ်မှု #ဒုရဲအုပ်၃ဦး #သေဆုံး #Ayeyarwaddy_Times
