ဧရာဝတီတိုင်းမ်
ဇန်နဝါရီလ ၁ ရက်
၂၀၂၅ ခုနှစ်အတွက် နှစ်သစ်ကူးမိန့်ခွန်းအဖြစ် အာဏာသိမ်းစစ်ခေါင်းဆောင်က နိုင်ငံပိုင်မီဒီယာတွေက တဆင့် မိန့်ခွန်းပြောဆိုခဲ့ပြီး အဆိုပါမိန့်ခွန်းတွင် သိသားထင်ရှားတဲ့ ရည်မှန်းချက်ပန်းတိုင်ကိုတွေ့နေရပြီဖြစ်ကြောင်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ပြောဆိုလိုက်သည်။
ခုလိုမျိုး ရည်မှန်းချက်ပန်းတိုင်တွေ့မြင်နေရခြင်းသည် ပြည်သူများ၏ တက်တက်ကြွကြွ ဝိုင်းဝန်းကူညီပေးခဲ့ခြင်းကြောင့်ဖြစ်ကြောင်း ၎င်းကပြောဆိုသည်။
“ရှေ့ဆက်လျှောက်မယ့် ခရီးမှာ စိန်ခေါ်မှုတွေ အကျပ်အတည်း အခက်အခဲတွေကို ရင်ဆိုင်တွေ့နိုင်ပေမယ့် ကျွန်တော်တို့အားလုံးရဲ့ စုစည်းညီညွတ်တဲ့ ပူးပေါင်းစွမ်းအားနဲ့ ကျော်ဖြတ်နိုင်မယ်လို့ ယုံကြည်ပါတယ်”ဟု စစ်ခေါင်းဆောင်က ပြောဆိုသည်။
လက်ရှိအချိန်တွင် စစ်တိုင်းဌာနချုပ် ၂ ခုအပါဝင် မြို့နယ်ပေါင်းများစွာ စစ်ကောင်စီတပ်က လက်လွှန့်ထားရချိန်တွင် ခုလိုမျိုး မွန့်ခွန်းပြောချင်ဟာ အရှက်သိက္ခာလွန်စွာမရှိသူများသာ ပြောဆိုနိုင်ကြောင်း နိုင်ငံရေးသမားများက သုံးသပ်ပြောဆိုသည်။
“ သူမလိုမရှက်တဲ့ စကားပြောရဲတာပါ၊ ရည်မှန်းချက်ပန်းတိုင်တွေကို တွေ့နေရပြီဆိုတာ သူ့နေဝင်ချိန်တွေ တွေ့နေရတာလား မေးရမလို ဖြစ်နေပြီ” ဟု အသက် ၄၀ ဝန်းကျင်အရွယ် အမျိုးသမီးတဦးက ဧရာဝတီတိုင်းမ်သို့ ပြောသည်။
စစ်တပ်အာဏာသိမ်းပြီချိန်မှစပြီး ပြည်သူအများစုမှာ လက်နက်နှင့်အနိုင်ကျင့်မှုကြောင့်သာ ခေါင်းငုံခံနေရသူများပြီး စစ်ခေါင်းဆောင်ပြောဆိုသလိုမျိုး ပြည်သူတွေအနေနဲ့လည်း မရှိသလောက်ရှားပြီး တပ်ထောက်ခံသူတွေသာရှိနိုင်ကြောင်း ၎င်းမှဆက်လက်ပြောဆိုသည်။
#စစ်ခေါင်းဆောင် #မင်းအောင်လှိုင် #မိန့်ခွန်း #Ayeyarwaddy_Times
