ဧရာဝတီတိုင်းမ်
နိုဝင်ဘာ ၁၅ ရက်
မြန်မာနိုင်ငံမှ အသက် (၁၀) နှစ်အရွယ် မိန်းခလေးငယ်တစ်ဉီးကို ‘ကျေးကျွန်’ တစ်ဉီးအဖြစ် ခိုင်း စေဖို့ မှောင်ခိုကူးတဲ့ စွပ်စွဲချက်တွေနဲ့ ကြာသပတေးနေ့က ချောင်ဘူရီမှာ ထိုင်းနိုင်ငံသား (၂) ဉီးနဲ့ မြန်မာ နိုင်ငံသားတစ်ဉီး ဖမ်းဆီးခံခဲ့ရတယ်လို့ သိရပါတယ်။
တရားရုံးတစ်ရုံးက ဝရမ်းတွေ ထုတ်ပြီးနောက် ဖမ်းဆီးမှုတွေကို လူမှောင်ခိုကူးမှုတိုက်ဖျက်ရေး ဌာနနဲ့ လူမှုဖွံ့ဖြိုးရေးနှင့် လူသားလုံခြုံရေးဝန်ကြီးဌာန၊ ချောင်ဘူရီရုံးက လုပ်ဆောင်ခဲ့တာပါ။
ထိုင်းနိုင်ငံသားတွေမှာ အသက် (၆၅) နှစ်အရွယ်အမျိုးသမီး ပွန်တစ်နဲ့ အသက် (၅၀) နှစ်အရွယ် အမျိုးသား ဆာမန်တို့ ဖြစ်ပြီး မြန်မာနိုင်ငံသူမှာ နော်သာသာရီ ဖြစ်ပါတယ်။ အသက် (၁၅) နှစ်အောက် အသက်မပြည့်သူကို လူမှောင်ခိုကူးမှု၊ အမြတ်ထုတ်မှုနဲ့ ၎င်းတို့ (၃) ဉီးကို စွဲချက်တင်ထားပါတယ်။
ချောင်ဘူရီပြည်နယ်ရှိ သင်္ချိုင်းတစ်ခုမှာ အသက် (၁၀) နှစ်အရွယ် မိန်းခလေးငယ်တစ်ဉီး အိပ် ပျော်နေတာကို တွေ့ရှိခဲ့တဲ့ ဖေဖော်ဝါရီလမှာ စတင်ခဲ့တဲ့ စုံစမ်းစစ်ဆေးမှုတစ်ခုကြောင့် ဖမ်းဆီးမှုတွေ ပြု လုပ်ခဲ့တာဖြစ်ပါတယ်။
မျက်နှာမှာ ဒဏ်ရာတွေနဲ့ တွေ့ရှိခဲ့တဲ့ အဆိုပါမိန်းခလေးငယ်ကို လူမှုဖွံ့ဖြိုးရေးနှင့် လူသားလုံခြုံ ရေးဝန်ကြီးဌာနရုံးသို့ ခေါ်ဆောင်ခဲ့ပါတယ်။
အဆိုပါမိန်းခလေးငယ်ဟာ မြန်မာနိုင်ငံမှလာပြီး ထိုင်းနိုင်ငံသို့ တရားမဝင် ခေါ်ဆောင်ခဲ့တာလို့ အာဏာပိုင်တွေက ဆုံးဖြတ်ပြီးနောက် အမှုကို ရဲတပ်ဖွဲ့သို့ လွှဲပြောင်းပေးခဲ့ပါတယ်။
နော်သာသာရီက အဆိုပါမိန်းခလေးငယ်ကို မြန်မာနိုင်ငံရှိ သူ့ရဲ့မိဘတွေထံမှ ဝယ်ယူခဲ့ပြီး ၂၀၂၂ ခုနှစ်မှာ မွေးစားကလေးငယ်တစ်ဉီးအဖြစ် မှတ်ပုံတင်ကာ သူ့ကို တက်ခ်ခရိုင်မှတစ်ဆင့် ထိုင်းနိုင်ငံတွင်း သို့ လူမှောင်ခိုကူးဖို့ စီစဉ်ခဲ့တယ်လို့ စုံစမ်းစစ်ဆေးရေးမှူးတွေက ပြောပါတယ်။
ချောင်ဘူရီရှိ ပွန်တစ်ရဲ့နေအိမ်သို့ မရွှေ့ပြောင်းမီ ဆမွတ်ပရာကန်ရှိ ဆာမန်ရဲ့နေအိမ်သို့ ပို့ဆောင် ကာ အိမ်အကူအဖြစ် အဓမ္မ ခိုင်းစေခဲ့တယ်လို့ သိရပါတယ်။
သူ့ကို မကြာခဏဆိုသလို အခန်းထဲသော့ခတ်ကာ ရိုက်နှက်ပြီး အမှားအယွင်းလုပ်ပါက အစားအ စာမကျွေးလို့ ထွက်ပြေးဖို့ ဆုံးဖြတ်ခဲ့တာလို့ မိန်းခလေးငယ်က အာဏာပိုင်တွေကို ပြောပါတယ်။
ကိုးကား – Bangkok Post
Ref; Trio busted for child trafficking
#Ayeyarwaddy_Times
