အသေခံဒရုန်းတွေ အလုံးအရင်းဖြင့် ထုတ်လုပ်ဖို့ မြောက်ကိုရီးယားခေါင်းဆောင် ကင်ဂျုံအန် အမိန့်ပေး

ဧရာဝတီတိုင်းမ်
နိုဝင်ဘာ ၁၅ ရက်

မြောက်ကိုရီးယားခေါင်းဆောင် ကင်ဂျုံအန်ဟာ အသေခံဒရုန်းတွေ စမ်းသပ်မှုကို ကြီးကြပ်ခဲ့ပြီး အဆိုပါဒရုန်းတွေ အလုံးအရင်းဖြင့် ထုတ်လုပ်ဖို့ ညွှန်ကြားခဲ့တယ်လို့ နိုင်ငံပိုင် KCNA သတင်းဌာနက ယ နေ့ ဖော်ပြပါတယ်။

ရုရှားနိုင်ငံနဲ့ စစ်ဘက်ဆိုင်ရာ ပူးပေါင်းဆောင်ရွက်မှု မြန်ဆန်စွာ တိုးမြှင့်နေစဉ် ဒီနှစ်အစောပိုင်း က အသေခံဒရုန်းတွေ စမ်းသပ်မှုကို ကင်ဂျုံအန်က ကြီးကြပ်ခဲ့ရာ ရုရှားထံမှ နည်းပညာအကူအညီ ရ မရ မေးခွန်းတွေ ရှိလာစေပါတယ်။

ထိရောက်မှုရှိတဲ့ အသေခံဒရုန်းတွေကို ယူကရိန်းစစ်ပွဲနဲ့ အရှေ့အလယ်ပိုင်းဒေသမှာ တွင်ကျယ် စွာ အသုံးပြုနေပါတယ်။

စစ်ရေးရည်ရွယ်ချက်နဲ့ ဒရုန်းတွေအသုံးပြုဖို့ ယှဉ်ပြိုင်မှုဟာ ကမ္ဘာတစ်ဝှမ်း အရှိန်ရနေပြီး စစ်ရေး အာဏာပိုင်တွေက ပဋိပက္ခတွေမှာ အသေခံဒရုန်းတွေရဲ့အောင်မြင်မှုကို အသိအမှတ်ပြုတယ်လို့ ကင်ဂျုံ အန်က ဆိုပါတယ်။

ဆိုးလ်မြို့တော်က အရေးကြီးတဲ့ဧရိယာတွေ၊ သမ္မတရုံးဝန်းကျင်က မပျံသန်းရဇုန်ပေါ်မှာ နာရီချီ ကြာအောင် ပျံသန်းဖို့ မြောက်ကိုရီးယားက နယ်စပ်တစ်လျှောက် ဒရုန်းတွေ စေလွှတ်ခဲ့ပါတယ်။

အဆိုပါလုပ်ရပ်ကြောင့် မြောက်ကိုရီးယားဒရုန်းတွေကို ပစ်ချဖို့ တောင်ကိုရီးယားနိုင်ငံက လက် နက်တွေ စေလွှတ်ခဲ့ပါတယ်။

မြောက်ကိုရီးယားနဲ့ရုရှားဟာ တစ်နိုင်ငံ တိုက်ခိုက်ခံရပါက တစ်နိုင်ငံက ကူညီပေးရမယ့် ဘက်စုံ ပါဝင်သော မဟာဗျူဟာမြောက် မိတ်ဖက်ဆောင်ရွက်မှု သဘောတူညီချက်ကို ဇွန်လအတွင်း လက်မှတ် ရေးထိုးခဲ့ပါတယ်။

မြောက်ကိုရီးယားနိုင်ငံက ယူကရိန်းစစ်ပွဲမှာတိုက်ခိုက်ဖို့ ရုရှားသို့ တပ်ဖွဲ့တွေ စေလွှတ်ခဲ့ရာ အမေရိကန်နဲ့ အနောက်နိုင်ငံတွေက သတိပေးခဲ့ပါတယ်။

ကိုးကား – Reuters
Ref; North Korea leader Kim orders mass production of suicide drones

#Ayeyarwaddy_Times