သက်ဆင်၏သမီးငယ် ၃၁ ဦး​မြောက် ထိုင်းဝန်ကြီးချုပ်အဖြစ် ​ရွေး​ကောက်ခံရ

ဧရာဝတီတိုင်းမ်
ဩဂုတ် ၁၆ ရက်

ထိုင်းနိုင်ငံ၏ ၃၁ ဦးမြောက် ဝန်ကြီးချုပ်အဖြစ် ဝန်ကြီးချုပ်ဟောင်း သက်ဆင်ရှင်နာဝပ်ရဲ့ သမီးဖြစ်သူ ​ပေ​ထောင်တန်ရှင်နာဝပ်ထရာကို ထိုင်းလွှတ်တော်က ရွေးချယ်လိုက်ပါတယ်။

​ဖွေ့ထိုင်းပါတီခေါင်းဆောင် အသက် ၃၇ နှစ်အရွယ် ​ပေ​ထောင်တန်ဟာ ထိုင်းနိုင်ငံရဲ့ အသက်အငယ်ဆုံး ဝန်ကြီးချုပ်ဖြစ်လာခဲ့ပါတယ်။

ညွန့်ပေါင်းအစိုးရအဖွဲ့က ​ဖွေ့ထိုင်းပါတီခေါင်းဆောင် ​ပေ​ထောင်တန်ကို ဝန်ကြီးချုပ်လောင်းအဖြစ် အဆိုပြုခဲ့တာပါ။

​ပေ​ထောင်တန်ကို လွှတ်တော်အမတ် ၄၉၀ ဦးအနက် ၃၀၀ ကျော်က ဝန်ကြီးချုပ်အဖြစ် ရွေးချယ်ခဲ့တာပါ။

​ပေ​ထောင်တန်ဟာ ထိုင်းနိုင်ငံ၏ ဒုတိယမြောက် အမျိုးသမီး ဝန်ကြီးချုပ်နဲ့ သက်ဆင်ရှင်နာဝပ်မိသားစု၏ တတိယမြောက် ဝန်ကြီးချုပ်ဖြစ်လာသူ ဖြစ်ပါတယ်။

ထိုင်းဝန်ကြီးချုပ် ​ဆေထာထဝီဆင်ကို လရာထူးမှ ရပ်နားရန် ဖွဲ့စည်းပုံအခြေခံဥပဒေဆိုင်ရာခုံရုံးက အမိန့်ချမှတ်လိုက်ပြီးနောက် ဝန်ကြီးချုပ်အသစ်ကို လွှတ်တော်က ထပ်မံရွေးချယ်ဖို့ ဖြစ်လာတာပါ။

ကိုးကား – Reuters
#Ayeyarwaddy_Times