ဒီမော့ဆိုမြို့နယ်မှာ ၁၀ ရက်ကြာတိုက်ပွဲဖြစ်ပွားပြီး စစ်ကောင်စီက ၁၅ ဦးသေဆုံးကာ KNDF B09 မှ ၃ ဦး ဒဏ်ရာရ

ဧရာဝတီတိုင်းမ်
သြဂုတ်လ ၁၀ ရက်

ကရင်နီ(ကယား)ပြည်နယ်၊ ဒီးမော့ဆိုမြို့နယ်တွင် စစ်ကောင်စီတပ်များကို ရိက္ခာဖြည့်တင်းဖို့ကြိုးစားနေသည့် စစ်ကောင်စီတပ်အား သြဂုတ်လ ၁ ရက်နေ့မှ ၉ ရက်နေ့အထိ ၁၀ ရက်တာအတွင်း KNDF B09 မှ တိုက်ခိုက်ခဲ့ရာ စစ်ကောင်စီတပ်သား ၁၅ ဦး သေဆုံးခဲ့ကြောင်း KNDF B09 မှ သတင်းထုတ်ပြန်ထားသည်။

တိုက်ပွဲအတွင်း KNDF B09ဘက်မှ ဝေဟင်ရော ​မြေပြင်မှာပါ ပြည်သူများလှူဒါန်းထားတဲ့ လက်နက်များကို ထိရောက်စွာ အသုံးပြုနိုင်ခဲ့ပြီး KNDF B09 ဘက်မှ ၃ ဦး ဒဏ်ရာရရှိခဲ့သော်လည်း အသက်အန္တရာယ်မစိုးရိမ်ရကြောင်း သိရသည်။

နယ်မြေရှင်းလင်းရေးလုပ်ဆောင်စဥ် စစ်ကောင်စီဘက်မှ ကျန်ရှိခဲ့သော လက်နက်ခဲယမ်းများသိမ်းဆည်းရရှိခဲ့​ကြောင်း KNDF B09 က သတင်းထုတ်ပြန်ထားသည်။