ဝေါလေ သုံးထပ်ကွေ့ တိုက်ပွဲထပ်ဖြစ် စစ်ကောင်စီတပ်က ၁ ဦးသေ ၃ ဦးထက်မနည်းအပြင်းထန်ဒဏ်ရာရ

ဧရာဝတီတိုင်းမ်
သြဂုတ်လ ၆ ရက်

ကရင်ပြည်နယ်၊ မြဝတီခရိုင်၊ မြဝတီ-ဝေါ်လေ ကားလမ်းပေါ်ရှိ သုံးထပ်ကွေ့အနီး ယနေ့ သြဂုတ်လ ၆ ရက်နေ့ နေ့လည် ၂ နာရီဝန်းကျင်တွင် ကျုးကျော်ရန်ကြိုးစားခဲ့ကြသည့် စစ်ကောင်စီတပ်နှင့် တိုက်ပွဲဖြစ်ပွားခဲ့ကြောင်း ကော်ဘရာစစ်ကြောင်းကသတင်းထုတ်ပြန် သည်။

စစ်ကောင်စီတပ် တပ်မ ၄၄ လက်အောက်ခံများနှင့် တိုက်ပွဲဖြစ်ပွားခဲ့ကာ စစ်ကောင်စီတပ်က ပြန်လည်ဆုတ်ခွာသွားခဲ့ပြီး စစ်ကောင်စီတပ်က ၁ ဦးသေဆုံး​ကာ ၃ ဦးထက်မနည်း အ​ပြင်းအထန် ဒဏ်ရာရရှိသည်ဟု ကော်ဘရာစစ်ကြောင်းက ထုတ်ပြန်ထားသည်။

စစ်ကောင်စီတပ်ဘက်ကလည်း လက်နက်ကြီး၊လက်နက်ငယ်များ​ဖြင့် အဆက်မပြတ် ပစ်ခတ်တိုက်ခိုက်ခဲ့ပြီး ကော်ဘရာစစ်ကြောင်းဘက်မှ ရဲဘော်များ တစ်စုံတရာဒဏ်ရာမရရှိပဲ ကြောင်း ကော်ဘရာစစ်ကြောင်းက ဆိုသည်။

ယမန်နေ့ သြဂုတ်လ ၅ ရက်နေ့ကလည်း စစ်ကောင်စီတပ်မ ၄၄ လက်အောက်ခံများနှင့် တနေကုန်နီးပါးတိုက်ပွဲဖြစ်ပွားခဲ့ပြီး စစ်ကောင်ဘက် ၁ ဦးသေ၊ ၄ ဦးထက်မနည်း ဒဏ်ရာရရှိခဲ့​ကြောင်း သတင်းထုတ်ပြန်ခဲ့ပါသေးသည်။

ဓာတ်ပုံ-ကော်ဘရာစစ်ကြောင်း