မွန်ပြည်နယ်ရှိ ထုံးဘိုကျေးရွာကို စစ်ကောင်စီက မီးရှို့လို့ အိမ်ခြေ ၂၀၀ ကျော် မီးလောင်ပြီး အမျိုးသား ၁ ဦးသေဆုံး (ရုပ်သံ)

ဧရာဝတီတိုင်းမ်
ဇွန်လ ၂၆ ရက်

မွန်ပြည်နယ်၊ သထုံမြို့နယ်မှာ အာဏာသိမ်းစစ်ကောင်စီတပ်တွေက PDF တွေကို မနိုင်လို့ အထိခိုက်အကျဆုံး များလာပြီးနောက်ပိုင်း ဇွန်လ ၂၅ ရက်နေ့မှာ ကျေးရွာတွေကို မီးရှို့တာတွေ စတင်ပြုလုပ်လာပါတယ်။

ဒီလိုမျိုး စစ်ကောင်စီတပ်က ဒေသခံ PDF တွေနဲ့ KNLA ပူးပေါင်းတပ်တွေကို မနိုင်လို့ ထုံးဘိုရွာကို မီးရှို့တာဟာ မွန်ပြည်နယ်မှာတော့ ပထမဆုံးအကြိမ်ဖြစ်တယ်လို့ ဒေသခံ PDF တပ်မဟာ ၁ ရဲ့ PDF တာဝန်ခံက ဧရာဝတီတိုင်းမ်ကို ပြောပါတယ်။

စစ်ကောင်စီတပ်တွေက ကျေးရွာထဲ မီးဝင်ရှို့တဲ့အချိန်မှာ ဒေသခံပြည်သူတွေက ဘေးလွတ်ရာကို တိမ်းရှောင် ခဲ့ပေမယ့် ခြေထောက်ပြတ်နေတဲ့ ကိုစောစမူးကို စစ်တပ်က ပစ်သတ်ခဲ့တယ်လို့ ဆိုပါတယ်။

ရုပ်သံ – ဧရာဝတီတိုင်းမ်