ဧရာဝတီတိုင်းမ်
ဇန်နဝါရီ ၅ ရက်
မြန်မာနိုင်ငံနဲ့ နယ်နိမိတ်ချင်းထိစပ်နေတဲ့ တရုတ်နိုင်ငံ အနောက်တောင်ပိုင်း ယူနန်ပြည်နယ်မှာ မနေ့က လက်နက်ကြီးကျည်တစ်လုံး ကျရောက်ခဲ့တာကြောင့် လူတစ်ဦးထက်မနည်း ဒဏ်ရာရရှိခဲ့တယ်လို့ သိရပါတယ်။
မြန်မာနိုင်ငံမှ ပစ်ခတ်ခဲ့တယ်လို့ ယူဆရတဲ့ အမြောက်ကျည်ဆံတစ်လုံးဟာ နန်ဆန်မြို့အတွင်း ကျရောက် ခဲ့ရာ မည်သူမည်ဝါမသိရသူ လူတစ်ဉီး ဒဏ်ရာရရှိခဲ့တယ်လို့ ပေကျင်းမြို့တော်အခြေစိုက် The Global Times က ဖော်ပြပါတယ်။
The Global Times က တင်ထားတဲ့ ရုပ်သံဖိုင်ထဲမှာ အဝတ်အစားတွေမှာ သွေးပေနေတဲ့ လူတစ်ဉီး မြေ ပြင်ပေါ် လဲလျောင်းနေတာကို ပြသနေပါတယ်။
မြန်မာနိုင်ငံမြောက်ပိုင်းမှာ တိုက်ပွဲတွေပြင်းထန်နေချိန် အခုလို လက်နက်ကြီးကျည်တစ်လုံး တရုတ်နိုင်ငံ ပိုင်နက်အတွင်း ကျရောက်ခဲ့တာပါ။
ကိုးကန့်အဖွဲ့ MNDAA၊ ရခိုင့်တပ်တော် AA နဲ့ တအောင်းအဖွဲ့ TNLA တို့နဲ့ဖွဲ့စည်းထားတဲ့ မြောက်ပိုင်းမ ဟာမိတ်အဖွဲ့ဟာ အောက်တိုဘာလနှောင်းပိုင်းမှစတင်ကာ မြန်မာနိုင်ငံမြောက်ပိုင်းရှိ နယ်မြေတွေကိုသိမ်းပိုက်ဖို့ အာဏာသိမ်းစစ်ကောင်စီကို တိုက်ခိုက်နေပါတယ်။
တရုတ်နိုင်ငံရဲ့ ကြားဝင်ဖျန်ဖြေမှုကြောင့် မြောက်ပိုင်းမဟာမိတ်အဖွဲ့နဲ့ မြန်မာစစ်ကောင်စီကြား အပစ်အ ခတ်ရပ်စဲရေး သဘောတူညီချက်တစ်ရပ် ရရှိခဲ့တယ်လို့ တရုတ်နိုင်ငံက ပြီးခဲ့တဲ့လအတွင်း ပြောကြားခဲ့ပါတယ်။
ကိုးကား – Anadolu
Ref; Artillery shell lands in Chinese province bordering Myanmar: State media
