ဧရာဝတီတိုင်းမ်
အောက်တိုဘာလ ၇ ရက်
ဉရောပနိုင်ငံတွေက ယူကရိန်းအတွက် ပံ့ပိုးကူညီမှု မပြုတော့လျင် ရုရှားနိုင်ငံက ၅ နှစ်အတွင်း စစ်ရေး စွမ်းပကား ပြန်လည်တည်ဆောက်ကာ အခြားတိုင်းပြည်တွေကို တိုက်ခိုက်နိုင်တယ်လို့ ယူကရိန်းသမ္မတ ဇီလန်စ ကီးက ဉရောပခေါင်းဆောင်တွေကို သတိပေးလိုက်ပါတယ်။
အမေရိကန်နိုင်ငံနဲ့ အခြားဉရောပတိုင်းပြည်တွေမှာ နိုင်ငံရေးမုန်တိုင်းတွေ ရှိလင့်ကစား ယူကရိန်းသို့ ငွေ ကြေးအကူအညီ ဆက်လက် ထောက်ပံ့မယ်လို့ ယုံကြည်ကြောင်း စပိန်နိုင်ငံမှာကျင်းပတဲ့ ဉရောပ နိုင်ငံရေးအ သိုင်းအဝိုင်း ထိပ်သီးဆွေးနွေးပွဲ တက်ရောက်နေတဲ့ ဇီလန်စကီးက ဆိုပါတယ်။
ရုရှားရဲ့ လေကြောင်းတိုက်ခိုက်မှုတွေကြောင့် ယူကရိန်းအရှေ့ပိုင်း၊ ကာကတ်ဗ်မြို့တော်မှာ ကလေးငယ် တွေဟာ မြေအောက်ဘူတာရုံတွေမှာ စာသင်နေရတယ်လို့ သူက မိန့်ခွန်းတစ်ခုအတွင်း စိတ်ထိခိုက်စွာ ပြောပါ တယ်။
အောက်တိုဘာလ ၅ ရက်က ယူကရိန်းနိုင်ငံ၊ ကာကတ်ဗ်ဒေသရှိ ကျေးရွာတစ်ရွာအပေါ် ရုရှားရဲ့ တိုက် ခိုက်မှုကြောင့် ၆ နှစ်အရွယ် ကလေးငယ်တစ်ဉီး အပါအဝင် လူ ၄၉ ဉီးထက်မနည်း သေဆုံးခဲ့တယ်လို့ ယူကရိန်း တာဝန်ရှိသူတွေက ပြောပါတယ်။
ယူကရိန်းသို့ စစ်လက်နက်တွေ ထောက်ပံ့ပေးခြင်းအားဖြင့် ဉရောပတိုင်းပြည်တွေဟာ ရုရှားနိုင်ငံက ဉ ရောပတိုက်ရှိ အခြားတိုင်းပြည်ကို မတိုက်ခိုက်အောင် ကူညီပေးနိုင်တယ်လို့ ဇီလန်စကီးက ပြောပါတယ်။
“ရုရှားသမ္မတ ဗလာဒီမာပူတင်ကို ကမ္ဘာ့အခြားဒေသတွေအပေါ် တိုက်ခိုက်ခွင့်ပေးလို့ မရပါဘူး။ အခြား တိုင်းပြည်တစ်ခုမှာ ရုရှားစစ်တပ်ရှိနေတာဟာ ကျွန်တော်တို့အားလုံးအတွက် ခြိမ်းခြောက်မှုတစ်ခု ဖြစ်ပါတယ်။ ရု ရှားကို အခြားတိုင်းပြည်တွေကနေ မောင်းထုတ်နိုင်ဖို့ ကျွန်တော်တို့ အတူလက်တွဲဆောင်ရွက်ရပါမယ်” လို့ သူက ဆိုပါတယ်။
၂၀၂၄ ခုနှစ်မှ ၂၀၂၇ ခုနှစ်အထိ ၃ နှစ်တာကာလအတွင်း ယူကရိန်းသို့ ယူရို ၅၀ ဘီလီယံ ထောက်ပံ့ပေးဖို့ လုပ်ဆောင်နေပြီး အမေရိကန်နိုင်ငံက ယူကရိန်းသို့ ဆက်လက်ပံ့ပိုးမယ်လို့ ယုံကြည်ကြောင်း ဉရောပကော်မရှင် အကြီးအကဲ အူဆူလာ ဗွန်ဒါလီယန်းက ပြောပါတယ်။
စပိန်က ယူကရိန်းသို့ လေကြောင်းရန်ကာကွယ်ရေးစနစ်နဲ့ ဒရုန်းဖျက်စနစ်တွေ ထောက်ပံ့ပေးမယ့်အပြင် ယူကရိန်းတပ်ဖွဲ့ဝင်တွေကို လေ့ကျင့်ပေးမယ်လို့ စပိန်အစိုးရ သတင်းရင်းမြစ်တစ်ခုက ပြောပါတယ်။
ကိုးကား – Reuters
Ref; Zelenskiy tells Europe: Russia will attack others if Ukraine loses
