ဧရာဝတီတိုင်းမ်
စက်တင်ဘာလ ၂၂ ရက်
မြောက်ကိုရီးယားက အဖျက်စွမ်းအားကြီးလက်နက်တေွ အဆင့်မြှင့်တင်ဖို့ ရုရှားထံကနေ အကူအညီ လက်ခံမယ်ဆိုရင် တောင်ကိုရီးယားနဲ့ မဟာမိတ်တွေက လက်ပိုက်ကြည့်နေမှာမဟုတ်ဖူးလို့ သမ္မတ ယိုဆတ်ခ်ယို က သတိပေးလိုက်ပါတယ်။
မြောက်ကိုရီးယားခေါင်းဆောင် ကင်ဂျုံအန်ဟာ သမ္မတ ဗလာဒီမာပူတင်နဲ့ ထိပ်သီးဆွေးနွေးပွဲပြုလုပ်ဖို့ ပြီးခဲ့တဲ့အပတ်အတွင်း ရုရှားနိုင်ငံသို့ သွားရောက်ခဲ့ပါတယ်။
မြောက်ကိုရီးယားက ယူကရိန်းစစ်ပွဲမှာ အသုံးပြုဖို့ ရုရှားသို့ စစ်လက်နက်တွေ ထောက်ပံ့ပေးပြီး အပြန်အ လှန်အားဖြင့် ရုရှားထံမှ အရေးပါတဲ့နည်းပညာတွေ ရရှိမယ့် သဘောတူညီချက်တစ်ရပ်ကို ခေါင်းဆောင်နှစ်ဉီးက လက်မှတ်ရေးထိုးနိုင်တယ်လို့ အမေရိကန် တာဝန်ရှိသူတွေက သတိပေးခဲ့ပါတယ်။
“ကမ္ဘာ့တိုင်းပြည်တွေကြား အခြေခံစည်းမျဉ်းတွေကို လိုက်နာပြီး စည်းလုံးညီညွတ်မှုနဲ့ တည်ကြည်မှု ညီ ညွတ်ခြင်းအားဖြင့် ဉပဒေနဲ့မညီညွတ်တဲ့ ဘယ်လိုရန်စမှုမျိုးကိုမဆို ကျွန်တော်တို့ တားဆီးနိုင်မှာဖြစ်ပါတယ်” လို့ နယူးယောက်မြို့တော်မှာပြုလုပ်တဲ့ ကုလသမဂ္ဂ အထွေထွေညီလာခံမှာ မိန့်ခွန်းတစ်ခုအတွင်း ယိုဆတ်ခ်ယိုက ပြောပါတယ်။
ရုရှားနိုင်ငံက အဖွဲ့ဝင်အဖြစ်ပါဝင်တဲ့ ကုလသမဂ္ဂ လုံခြုံရေးကောင်စီကို ပြုပြင်ပြောင်းလဲဖို့ သူက တောင်း ဆိုခဲ့ပြီး စစ်လက်နက်တွေနဲ့ နည်းပညာလဲလှယ်မှုအဖြစ် ရုရှားက မြောက်ကိုရီးယားသို့ ထောက်ပံ့မှုပေးပါက ကုလ သမဂ္ဂ လုံခြုံရေးကောင်စီ ပြုပြင်ပြောင်းလဲမယ့်အစီအစဉ်ကို အများစုက ထောက်ခံလိမ့်မယ်လို့ သူက ဆိုပါတယ်။
ကမ္ဘာ့ငြိမ်းချမ်းရေးအတွက် ယုံကြည်ရသော စောင့်ရှောက်သူလို့ဆိုတဲ့ ကုလသမဂ္ဂ လုံခြုံရေးကောင်စီ အ မြဲတမ်းအဖွဲ့ဝင်နိုင်ငံက ကုလသမဂ္ဂ လုံခြုံရေးကောင်စီရဲ့ ဆုံးဖြတ်ချက်တွေကို ချိုးဖောက်တဲ့ အာဏာရှင်အစိုးရထံ မှ စစ်လက်နက်နဲ့ ခဲယမ်းမီးကျောက်တွေ လက်ခံရရှိပြီး အချုပ်အချာအာဏာပိုင်နိုင်ငံတစ်ခုကို ကျူးကျော်တာ ဟာ အဓိပ္ပာယ်မရှိပါဘူးလို့ ယိုဆတ်ခ်ယိုက ပြောပါတယ်။
ရုရှားနဲ့ သမားရိုးကျ စစ်လက်နက်တွေနဲ့ အလဲအလှယ်အဖြစ် မြောက်ကိုရီးယားက အဖျက်စွမ်းအားမြင့် လက်နက်တွေအတွက် နည်းပညာတွေ လိုအပ်မယ်ဆိုရင် အဲဒီသဘောတူညီချက်က တိုက်ရိုက် ရန်စမှုတစ်ခုဖြစ် ပြီး ယူကရိန်းကိုသာမက တောင်ကိုရီးယားရဲ့ ငြိမ်းချမ်းရေးနဲ့ လုံခြုံရေးကို ခြိမ်းခြောက်မှုဖြစ်လာပါလိမ့်မယ်လို့ သူ က ဆိုပါတယ်။
အမေရိကန် နိုင်ငံခြားရေးဝန်ကြီး အန်တိုနီဘလင်ကန်ကလည်း ယိုဆတ်ခ်ယိုရဲ့ ကုလသမဂ္ဂ အထွေထွေ ညီလာခံမှာပြောတဲ့ ကုလသမဂ္ဂ လုံခြုံရေးကောင်စီ ပြုပြုပြောင်းလဲဖို့မိန့်ခွန်းကို ထောက်ခံခဲ့ပြီး ရုရှားဟာ မြောက် ကိုရီးယားထံမှ လက်နက်တွေရရှိဖို့ ကြိုးပမ်းနေတယ်လို့ စွပ်စွဲလိုက်ပါတယ်။
ကိုးကား – CNN
Ref; South Korea says it ‘will not stand idly by’ if North Korea receives Russian help on nuclear weapons
