ဧရာဝတီတိုင်းမ်
စက်တင်ဘာလ ၂၁ ရက်
ရုရှားကို တန်ပြန်ထိုးစစ်ဆင်တာ ကူညီဖို့ ဒီနှစ်အတွင်း ယူကရိန်းသို့ ထောင်ပေါင်းများစွာသော အမြောက် ကျည်တွေ ပေးပို့ဖို့ ဗြိတိန်က သံန္နိဌာန်ချထားတယ်လို့ ကာကွယ်ရေးဝန်ကြီး ဂရန့်ရှပ်စ်က ကြေညာလိုက်ပါတယ်။
“ရုရှားရဲ့ ကျူးကျော်မှုကို ကာကွယ်ဖို့နဲ့ တရားမဝင် သိမ်းပိုက်ထားတဲ့ ပိုင်နက်နယ်မြေတွေကို ပြန်လည် သိမ်းပိုက်ဖို့ ယူကရိန်းသို့ ထောင်နဲ့ချီတဲ့ အမြောက်ကျည်တွေ ပေးပို့ဖို့အပါအဝင် ဗြိတိန်နိုင်ငံရဲ့ ယူကရိန်းအတွက် မဆုတ်မနစ်တဲ့ ကတိကဝတ်ကို ထုတ်ဖော်ပြသခဲ့ပါတယ်” လို့ ထုတ်ပြန်ချက်တစ်ခုအတွင်း ဂရန့်ရှပ်စ်က ပြောပါ တယ်။
၂၀၂၂ ခုနှစ် ဖေဖော်ဝါရီလမှာ စတင်ခဲ့တဲ့ ရုရှားကျူးကျော်စစ်နောက်ပိုင်း ဗြိတိန်က ယူကရိန်းသို့ အ မြောက်ကျည် ၃၀၀၀၀၀ ပေးပို့ခဲ့ပြီးဖြစ်တယ်လို့ သိရပါတယ်။
ဗြိတိန်နိုင်ငံက လာမယ့်သီတင်းပတ်တွေအတွင်း လေကြောင်းရန်ကာကွယ်ရေးစနစ်တွေနဲ့ တာဝေးပစ် လက်နက်တွေ ယူကရိန်းသို့ ထပ်မံ ပေးအပ်မယ်လို့ သူက ဆိုပါတယ်။
ဂရန့်ရှပ်စ်က အမေရိကန် ကာကွယ်ရေးဝန်ကြီး လွိုက်အော်စတင်နဲ့လည်း တွေ့ဆုံကာ ယူကရိန်းသို့ ခဲ ယမ်းမီးကျောက်တွေ တိုးမြှင့်ထောက်ပံ့ရေးကိစ္စရပ်တွေကို ဆွေးနွေးခဲ့ပါတယ်။
ဆောင်းရာသီကာလအတွင်း ယူကရိန်းနိုင်ငံရဲ့ အရေးပါတဲ့ အခြေခံအဆောက်အအုံတွေကို ကာကွယ်ပေး မယ့် လေကြောင်းရန်ကာကွယ်ရေးစနစ်တွေ၊ အမြောက်ကျည်တွေနဲ့ တန်ပြန်ထိုးစစ်ဆင်ရာမှာ အသုံးပြုတဲ့ ပြုပြင် ရေးကိရိယာတွေ ထောက်ပံ့ပေးဖို့ကို ဝန်ကြီးနှစ်ဉီးက ဆွေးနွေးခဲ့ကြပါတယ်။
ဗြိတိန်နိုင်ငံဟာ ယူကရိန်းနိုင်ငံသို့ တင့်ဖျက်လက်နက် ၁၂၀၀၀ ကျော်၊ အမြောက်ကျည် ၃၀၀၀၀၀၊ ထောင် နဲ့ချီတဲ့ လေခွင်းဒုံးကျည်တွေ၊ အမြောက်လက်နက်တွေ၊ မိုင်းရှင်းကိရိယာတွေနဲ့ မီးစက်တွေ ထောက်ပံ့ခဲ့တယ်လို့ ဗြိတိန် ကာကွယ်ရေးဝန်ကြီးဌာနက ပြောပါတယ်။
ကိုးကား – Al Arabiya
Ref; UK pledges tens of thousands of artillery shells for Ukraine to aid counter-offensive
