ဧရာဝတီတိုင်းမ်
ဇူလိုင်လ ၁၈ ရက်
မနက်ဖြန်မှာ ကျရောက်မယ့် ၇၅ နှစ်မြောက် အာဇာနည်နေ့ အထိမ်းအမှတ်အဖြစ် ကိုယ်တိုင်ရေးကဗျာ ပြိုင်ပွဲကျင်းပပြုလုပ်သွားပါမယ်လို့ ကျားသစ်နက်ပြောက်ကြားတပ်ဖွဲ့က သတင်းထုတ်ပြန်ထားပါတယ်။
ပြိုင်ပွဲဝင်လိုသူတွေအနေနဲ့ စာကြောင်းရေ ၂၀ ထက်မပိုတဲ့ ကိုယ်တိုင်ရေး မော်ဒန် ကဗျာအမျိုးအစားကိုသာ ရေးသားယှဥ်ပြိုင်ရမှာဖြစ်ပြီး မနက်ဖြန် မနက် ၉ နာရီထက်နောက်မကျပဲ ကျားသစ်နက်ပြောက်ကြားတပ်ဖွဲ့၏ Facebook Page Messenger မှတဆင့် ပေးပို့ကြရန် ရေးသားဖော်ပြထားပါတယ်။
ပထမဆုအနေနဲ့ ငွေကျပ် ၁ သိန်း၊ ဒုတိယဆုအနေနဲ့ ငွေကျပ် ၇ သောင်း၊ တတိယဆုအနေနဲ့ ငွေကျပ် ၅ သောင်း အသီးသီးချီးမြှင့်သွားမယ်လို့ ကျားသစ်နက်ပြောက်ကြားတပ်ဖွဲ့က သတင်းထုတ်ပြန်ထားပါတယ်။
