ဧရာဝတီတ်ိုင်းမ်
ဇွန်လ ၉ ရက်
ဧရာဝတီတ်ိုင်း၊ လေးမျက်နှာမြို့နယ်တွင် ဖမ်းဆီးခံရသည့် ဒေသခံ ၆ ဦးထက်မနည်းသည် ယနေ့အချိန်အထိ မိသားစုနှင့် အဆက်အသွယ်ပြတ်တောက်နေကြောင်း သတင်းရရှိသည်။
၎င်း ဒေသခံများသည် ပြီးခဲ့သည့် မေလ ၂၈ ရက် ညနေ ၅ နာရီဝန်းကျင်တွင် PDF နှင့်ပတ်သတ်သည့်ဟုဆိုကာ စွပ်စွဲဖမ်းဆီးခံထားရသူများ ဖြစ်သည်။
အဆိုပါ ဖမ်းဆီးခံရသည် ဒေသခံများမှာ စိန်တောင်ကျေးရွာ၊ စောပြာကျေးရွာ၊ ကျောင်းကွင်းကျေးရွာ၊ ကွင်းကြီးကျေးရွာနှင့် လဲခုံကြီးကျေးရွာများက ဖြစ်ကြောင်း ဒေသခံများထံကသိရသည်။
“တိုင်းစီမံချက်နဲ့ဖမ်းတယ် ဆိုပြီးလာဖမ်းတာ။ အတော်များများပါသွားကြတာ မြင်လိုက်ရတယ်။ ဒီနေ့အထိလဲ ဘယ်မှ မေးလို့မရဘူး။ ဘယ်မှာ စစ်ဆေးနေတယ်ဆိုတာကိုမသိရတော့ သူတို့ရဲ့မိသားစုတွေကလည်း အရမ်းစိတ်ပူနေကြတာပေါ့” လို့လေးမျက်နှာမြို့နယ် ဒေသခံအမျိုးသားတစ်ဦးက ဧရာဝတီတိုင်းမ်က်ိုပြောသည်။
ထို့အပြင် လေးမျက်နှာမြို့နယ်၊ ကတက်ကုန်းအုပ်စု စစ်ကောင်စီခန့်အုပ်ချုပ်ရေးမှူး အောင်ဆန်းမြင့်၊ ဘိသလွန်အုပ်ချုပ်ရေးမှူး သန်းဇော်နှင့် ကရင်တောကျေးရွာ ရာအိမ်မှူးသိန်းဦး တို့ကလည်း ဒေသခံများအား PDF နှင့်ပတ်သက်သည်ဟု ဆိုကာ သတင်းပေးတိုင်ကြားမှုများပြုလုပ်သလို နေ့စဥ် ခြိမ်းခြောက်မှုများလည်း ပြုလုပ်နေကြောင်း ဒေသခံများ၏ ပြောပြချက်အရ သိရသည်။
#လေးမျက်နှာ #PDFနဲ့ပတ်သတ် #စွပ်စွဲ #ဒေသခံ၆ဦးထက်မနည်း #မိသားစုနှင့်အဆက်အသွယ်ပြတ် #Ayeyarwaddy_Times
