ချင်းကာကွယ်ရေးတပ်ဖွဲ့ (မင်းတပ်)က ထိုးစစ်ဆင်ရန်နှင့် တပ်ဖွဲ့စည်းပုံကျစ်လစ်ခိုင်မာလာရန် ရည်ရွယ်၍ ရံပုံငွေရှာဖွေရေးကမ်ပိန်းပြုလုပ်

ဧရာဝတီတိုင်းမ်
(မင်းတပ်)၊ ဇွန် ၁ ရက်

ချင်းကာကွယ်ရေးတပ်ဖွဲ့(မင်းတပ်)အနေဖြင့် ထိုးစစ်ဆင်ရန်နှင့် တပ်ဖွဲ့စည်းပုံကျစ်လစ်ခိုင်မာလာစေဖို့အတွက် ပြောင်းလဲဖော်ဆောင်မှုတို့ကို အထောက်အကူပြုစေရန် ရည်ရွယ်၍ “အားယူထပျံ အောက်ချင်းအားမာန်” ရံပုံငွေရှာဖွေရေးကမ်ပိန်းကို ပြီးခဲ့သည့် မေလ ၁၉ ရက်နေ့မှ စတင် ပြုလုပ်ခဲ့ရာ ပြည်သူလူထု၏ ပံ့ပိုးပါဝင်မှုအားနည်းနေကြောင်းCDF-မင်းတပ်ထံက သိရသည်။

” အားယူထပျံ အောက်ချင်းအားမာန်” ကမ်ပိန်းစတင်ပြီး တပတ်ကျော်အကြာတွင် မျှော်မှန်းထားသော ပမာဏ၏ ၅ ရာခိုင်နှုန်းသာ ရံပုံငွေရရှိထားသေးကြောင်းရံပုံငွေရှာဖွေရေး တာဝန်ခံများထံက သိရသည်။

” မြေပြင်မှာ လိုင်းမရတာ။ လိုင်းရှိတော့လည်း လိုင်းမကောင်းတာကြောင့် fundraiserတွေ၊ တော်လှန်ရေးဆယ်လီတွေနဲ့ ကောင်းကောင်း မချိတ်ဆက်နိုင်ဘူး။ ကျွန်တော်တို့က marketing လုပ်တာမှာ အတွေ့အကြုံကောင်းမရှိတာရယ်၊ ကွန်ရက်ချိတ်ဆက်မှုအတွက် ပြင်ဆင်မှု‌တွေ မလုပ်နိုင်တာကြောင့် ဖြစ်မယ် ထင်ပါတယ်” ဟု မင်းတပ်၊ ပြည်သူ့အုပ်ချုပ်ရေးအဖွဲ့၊ အတွင်းရေးမှူး(၁) ဆလိုင်းယောမာန်က ဧရာဝတီတိုင်းမ်ကို ပြောသည်။

အဆိုပါ​ ရံပုံငွေရှာဖွေရေးကမ်ပိန်းကို လာမည့် ဇွန်လ ၁၉ ရက်နေ့အထိ ပြုလုပ်သွားမည်ဖြစ်ပြီး တစ်လအတွင်းတွင် သိန်း ၅၀၀၀ ရရှိနိုင်ရန် မျှော်မှန်းထားကြောင်းလည်းသိရသည်။

မိုခါမုန်တိုင်းအပြီးနှင့် တိုက်ဆိုင်နေညပီး နိုင်ငံတဝန်းတွင် တခြားတော်လှန်ရေးအဖွဲ့များ၏ campaign လုပ်ခြင်းများ၊ ဖေ့စ်ဘုတ်၏ ပေါ်လစီအပြောင်းအလဲများကြောင့် ပြည်သူလူထုထံ သတင်းရောက်ရန်ခက်ခဲနေပြီး “အားယူထပျံ အောက်ချင်းအားမာန်” ကမ်ပိန်းတွင် ပြည်သူများပါဝင်မှုအားနည်းခြင်းဖြစ်နိုင်ကြောင်း ဆလိုင်းယောမာန်က သုံးသပ်ပြောကြားသည်။

” ဒီ အားယူထပျံ အောက်ချင်းအားမာန် campaignဟာ ၂ နှစ်ကျော်ကြာ တော်လှန်ရေးကာလမှ CDF-MINDAT ရဲ့ ပထမဆုံး fundraising campaign ပါ။ ဒီ campaign မလုပ်ခင် တပ်ဖွဲ့အနေနဲ့ စစ်ကောင်စီကို ထိုးစစ်ပြန်ဆင်ဖို့ အများကြီး ပြင်ဆင်မှုတွေ လုပ်ခဲ့တယ်။ fundraising ကနေ ရရှိတဲ့ ထောက်ပံ့ငွေနဲ့ စကစရဲ့ စခန်းတွေ၊ ဂိတ်တွေ ကို တိုက်ခိုက်ပြီး CDF-MINDAT ရဲ့ စိုးမိုးမှုနယ်မြေတွေ တိုးချဲ့ပြီး နောက်ဆုံး ချင်ပြည်တောင်ပိုင်းရဲ့ လုံးဝလွတ်‌မြောက်နယ်မြေ တစ်ခု အစပြုဖို့အထိ ရည်မှန်းပါတယ် “ ဆလိုင်းယောမာန်က ဆက်လက်ပြောကြားသည်။

“အားယူထပျံ အောက်ချင်းအားမာန်” စီမံကိန်းသည် CDF-မင်းတပ်အတွက် ခွန်အားဖြစ်မည့် စီမံကိန်းဖြစ်သည့်အလျောက် ပြည်သူလူထုအနေဖြင့် သက်ဆိုင်ရာနိုင်ငံအလိုက် Fundraiser ထံတွင် ပါဝင်အားဖြည့် လှူဒါန်းနိုင်ကြောင်းCDF-မင်းတပ်က ထုတ်ပြန်ထားသည်။

ဓာတ်ပုံ-CDF-မင်းတပ်
https://www.facebook.com/Supporting.mft.ehm?mibextid=ZbWKwL
#ချင်းကာကွယ်ရေးတပ်ဖွဲ့မင်းတပ် #ထိုးစစ်ဆင်ရန် #တပ်ဖွဲ့စည်းပုံကျစ်လစ်ခိုင်မာလာရန် #ရံပုံငွေရှာဖွေရေးကမ်ပိန်း #ပြည်သူများ #ပံ့ပိုးပါဝင်မှုအားနည်း #Ayeyarwaddy_Times