ဖားကန့်ရှိ မှော်ပုံကျေးရွာက ဒေသခံပြည်သူ ၆၀ ကျော်ကို စစ်ကောင်စီတပ် ဖမ်းဆီးခေါ်ဆောင်သွား

ဧရာဝတီတိုင်းမ်
ဧပြီလ ၂၁ ရက်

ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာအုပ်စုအတွင်း မှော်ပုံ(မဒဲန်ယန်)ကျေးရွာ စစ်ကောင်စီတပ်တွေက အင်အား ၁၀၀ လောက်နဲ့ ဧပြီလ ၂၁ ရက်နေ့ မနက်ပိုင်းမှာ ဝင်ရောက်စီးနင်းတာတွေပြုလုပ်ခဲ့တယ်လို့ သိရပါတယ်။

မနက် ၅ နာရီခွဲလောက်မှာ အင်အား ၁၀၀ ကျော်နဲ့ ကျေးရွာကို ဝင်ရောက်စီးနင်းခဲ့တာ​ဖြစ်ပြီး ဒေသခံ ပြည်သူတွေကို NUG၊ PDF အလိုမရှိကြောင်းအော်ခိုင်းကာ မှတ်တမ်းယူတာတွေလည်း ပြုလုပ်သွားတယ်လို့ ဒေသခံတွေကပြောပါတယ်။

” ဒီမနက်အစောပိုင်းဝင်စီးတာ တချို့ကိုလည်း ဖမ်းသွားတယ်၊ အားလုံးအယောက် ၆၀ လောက်အဖမ်းခံရတယ်ကြားတယ်”လို့ ဒေသခံတစ်ဦးက ပြောပါတယ်။

စစ်ကောင်စီတပ်တွေက ကျေးရွာကို စစ်ကြောင်းထိုး ဝင်ရောက်ပြီးနောက်ပိုင်း ဒေသခံပြည်သာ ၆၀ လောက်ကို ဖမ်းဆီးခေါ်ဆောင်သွားတာမှန်ပေမယ့် ဘယ်နေရာကို ဖမ်းဆီးခေါ်ဆောင်သွားတယ်ဆိုတာ မသိရသေးဘူးလို့ ဆိုပါတယ်။

မှော်ပုံ(မဒဲန်ယန်)ကျေးရွာကို ဝင်ရောက်စီးနင်းချိန်မှာ ကျေးရွာထဲက နေအိမ်အချို့ကိုလည်း မီးရှို့ဖျက်စီးတာတွေ ပြုလုပ်သွားတယ်လို့ ဒေသခံတွေက ပြောပါတယ်။

#ဖားကန့်မြို့နယ် #မှော်ပုံကျေးရွာ #စစ်ကောင်စီတပ် #ဝင်ရောက်စီးနင်း #Ayeyarwaddy_Times