ဧရာဝတီတိုင်းမ်
ဧပြီလ ၁၃ ရက်
ဧရာ၀တီတိုင်း၊ ပုသိမ်မြို့နယ်၊ ချောင်းသာကမ်းခြေကို လာရောက်လည်ပတ်သူတွေ များတာကြောင့် သင်္ကြန်အကြိုနေ့မှာ ပုသိမ်၊ချောင်းသာ၊ငွေဆောင်ကားလမ်းတွေမှာ ယာဥ်ကြောပိတ်တာတွေများနေပြီး ယာဥ်တိုက်မှုတစ်ချို့ဖြစ်ပွားနေတယ်လို့ ဒေသခံတွေကပြောပါတယ်။
“အိမ်စီးကားတွေ အများဆုံး ဆင်းလာတာ၊ လမ်းကြောနားမလည်တော့ တိုက်ကုန်တာ၊ မြို့တွေမှာမလည်ပဲ ကမ်းခြေကိုဆင်းလာကာကြတာ၊ ဒီမနက် ငွေဆောင်လမ်းမှာ ကားတစ်စီးတိုက်ထားတယ်၊အသေအပျောက်တော့မသိရသေးဘူး”လို့ ပုသိမ်မြို့က ယာဥ်မောင်းတစ်ဦးကဧရာ၀တီတိုင်မ်းကိုပြောပါတယ်။
ကောင်စီကျင်းပတဲ့သင်္ကြန်ပွဲတော်ကို မဆင်နွှဲဖို့ တောင်းဆိုမှုတွေရှိနေပေမဲ့ ချောင်းသာနဲ့ငွေဆောင်ကမ်းခြေမှာတော့ သင်္ကြန်ပွဲတော်ပိတ်ရက်အတွင်းကိုယ်ပိုင်မော်တော်ယာဉ်များနဲ့ ကမ်းခြေကို လာရောက်လည်ပတ်ကြတာဖြစ်ပြီး ဟိုတယ်နဲ့ တည်းခိုခန်းတွေမှာ လူအများနဲ့စည်ကားနေတယ်လို့ ဒေသခံများကပြောပါတယ်။
#သင်္ကြန်ကာလ #ကမ်းခြေလာသူများပြား #ယာဥ်ပိတ်ဆို့ #Ayeyarwaddy_Time
