ဧရာဝတီတိုင်းမ်
ရေး၊ ဒီဇင်ဘာလ ၂၅ ရက်
မွန်ပြည်နယ်၊ ရေးမြို့နယ်တွင် ဒီဇင်ဘာလ ၂၄ ရက်နေ့တစ်နေ့ထဲတွင် စစ်ကောင်စီကင်းစခန်းတစ်ခုနှင့် ကင်းလှည့်နေသည့်ပျူစောထီးများအား မိုင်းဆွဲတိုက်ခိုက်ခဲ့ကြောင်း Ye Guerrilla Force မှထုတ်ပြန်ထားပါသည်။
ရေးမြို့နယ်အနောက်ဘက်ရှိ အစင်ကျေးရွာအုပ်စုတွင် ည ၈ နာရီဝန်းကျင်တွင် ကင်းလှည်နေသည့် စစ်ကောင်စီလက်အောက်ခံ ပျူစောထီးအဖွဲ့ဝင်များမောင်းနှင်လာသည့် ဆိုင်ကယ် ၃ စီးအား မိုင်းဆွဲတိုက်ခိုက်ခဲ့ရာ ၁ ဦးသေဆုံးပြီး ၃ ဦးဒဏ်ရာရရှိခဲ့ကြောင်း သိရသည်။
ဒါ့ပြင် ဒီဇင်ဘာလ ၂၄ ရက်နေ့ နံနက် ၆ နာရီဝန်းကျင်တွင်လည်း ကြိုးတံတားရွာရှိ ၃ ဧကဝန်းကျင်ကျယ်ဝန်းသည့် အင်အား ၂၀ ဝန်းကျင်ရှိသည့် စစ်ကောင်စီကင်းစခန်းအား Ye Guerrilla Forceနှင့်ပူးပေါင်းအဖွဲ့များမှ သွားရောက်ပစ်ခတ်တိုက်ခိုက်ခဲ့ကြောင်း သိရသည်။
“သေဆုံးမှုနဲ့ထိခိုက်မှုကိုတော့အတည်မပြုနိုင်တဲ့အတွက်အတိအကျမပြောနိုင်ပါဘူးခင်ဗျာ။ကျွန်တော်တို့ကဝင်တိုက်တဲ့အတွက်သေဆုံးမှုတော့ရှိတယ်။စခန်းသိမ်းဖို့ရည်ရွယ်ခဲ့ပေးမဲ့ ခလရ ၅၈၈ကနေတိုက်ပွဲငယ်ဖြစ်ရာနေရာကိုလက်နက်ကြီးပစ်ကူပေးတာကြောင့် ကျွန်တော်တို့ဘက်မှအထိခိုက်မခံနိုင်တဲ့အတွက်မတက်သိမ်းနိုင်ဘဲပြန်ဆုတ်ပေးခဲ့ရတယ်” ဟု Ye Guerrilla Force တပ်ဖွဲ့မှ ဧရာဝတီတိုင်းမ်ကိုပြောသည်။
အဆိုပါ စစ်ကောင်စီကင်းစခန်းမှ စစ်ကောင်စီမှအထိုင်ချသည်မှာ ကြာပြီဖြစ်ပြီး ကာကတုတ်ကျင်းများပါ တူးထားပြီး စခန်းသိမ်းရန်ကည်ရွယ်ချက်ဖြင့် ဝင်ရောက်တိုက်ခိုက်ချိန်တွင် ခလရ ၅၈၈ တပ်မှ လက်နက်ကြီးပစ်ကူသောကြောင့်ပြန်လည်ဆုတ်ခွာခဲ့ ရကြောင်း သိရသည်။
Ye Guerrilla Forceသည် နိုဝင်ဘာလ ၂၃ ရက်တွင်လည်း ရေးမြို့နယ် နှင်းစုံတံတားတွင်တပ်စွဲထားသည့် စစ်ကောင်စီကင်းစခန်းအား ၄၀ မမများဖြင့် သွားရောက်ပစ်ခတ်တိုက်ခိုက်ရာ စစ်ကောင်စီဘက်မှ ဒဏ်ရာအများအပြားရရှိခဲ့ကြောင်း YGF ထံကသိရသည်။
