လက်ပံတောင်းတောင် ကြေးနီစီမံကိန်းမှာ လုံခြုံရေးယူနေတဲ့ စစ်ကောင်စီတပ်က အနီးရှိကျေးရွာတွေကို ဝင်မွှေလို့ ဒေသခံပြည်သူတွေဘေးလွတ်ရာသို့ပြေးနေကြရ

နွေဦးမောင် /ဧရာဝတီတိုင်းမ်
(မုံရွာ)၊ ဒီဇင်ဘာလ ၁၂ ရက်

စစ်ကိုင်းတိုင်း၊ ဆားလင်းကြီးမြို့နယ်၊ လက်ပံတောင်းတောင်ဒေသ တရုတ်ဝမ်ပေါင်ကြေးနီစီမံကိန်းတွင် လုံခြုံရေးယူနေသည့် စစ်ကောင်စီတပ်က အနီးအနားရှိကျေးရွာများကို ဝင်ရောက်ရှာဖွေမှုများလုပ်ဆောင်နေခြင်းကြောင့် ဒေသခံပြည်သူတွေဘေးလွတ်ရာသို့ပြေးနေကြရကြောင်း ​ဒေသခံများထံမှ သိရသည်။

မုံရွာ- ပုသိမ် ကားလမ်းဘေးတွင် လုံခြုံရေးယူနေသည့်စစ်ကောင်စီတပ်က ကြေးနီစီမံကိန်းအနီးရှိ ကျေးရွာများသို့ဝင်ရောက်ပြီး ဒေသခံများရဲ့အိမ်တွေက ပစ္စည်းတွေကိုဝင်ရောက်လုယက်မှုများ တရွာဝင်တရွာထွက်လုပ်ဆောင်နေကြောင်း သိရသည်။

“ဝမ်ပေါင်ဆိုက် နားကရွာတွေကို ဝင်နေတာ။ ပစ္စည်းတွေလည်းယူတယ်။ ရွာက လူငယ်တွေကိုလည်းခြိမ်းခြောက်တာတွေ ရိုက်နှက်တာတွေကိုပါလုပ်နေလို့ ခုဘေးလွတ်ရာကိုထွက်ပြေးနေကြရတယ်”ဟု ဆည်တည်းကျေးရွာနေအမျိုးသမီးတစ်ဦးက ဧရာဝတီတိုင်းမ်ကိုပြေားသည်

စစ်ကောင်စီတပ်များမှာ လက်ပံတောင်းတောင် ကြေးနီစီမံကိန်း အနီးရှိကျေးရွာများကို မကြာခဏဆိုသလို ဝင်ရောက်စီးနင်းပြီး ဒေသခံပြည်သူများအပေါ် ပစ်ခတ်သတ်ဖြတ်ခြင်း၊ နေအိမ်များမီးရှို့ဖျက်ဆီးခြင်း၊ ပစ္စည်းများ လုယက်ခိုးယူခြင်းများလုပ်ဆောင်လေ့ရှိပြီး ​ဒေသခံ ၂၀၀၀ ကျော် ထွက်ပြေးတိမ်းရှောင်နေရကြောင်း
ဒေသခံများထံမှ သိရသည်။

#လက်ပံတောင်းတောင် #ကြေးနီစီမံကိန်း #စစ်ကောင်စီ
#Ayeyarwaddy_Times